آوروپا بیرلیگی، امریکا و ناتو ایقلیم دییشیک‌لیگی ایله بیرگه موباریزه آپاراجاقلار
آوروپا بیرلیگی، امریکا و ناتو ایقلیم دییشیک‌لیگینه قارشی بیرگه موباریزه آپارماق قرارینا گلدی‌لر.
آوروپا بیرلیگی، امریکا و ناتو ایقلیم دییشیک‌لیگی‌نین قلوبال تهلوکه‌سیزلیگه تأثیرلری ایله بیرگه موباریزه آپارماق اوچون سعی‌لری آرتیرماق قرارینا گلیب‌لر.
آوروپا بیرلیگی-نین خاریجی علاقه‌لر و تهلوکه‌سیزلیک سیاستی عالی نوماینده‌سی جوزپ بورل، امریکانین ایقلیم خصوصی نوماینده‌سی جان کری، ناتو-نون باش کاتیبی ینس استولتنبرگ و آوروپا بیرلیگی کمیسیونونون صدری فرانس تیمرمنز ایقلیم دییشیک‌لیگی‌نین باریش و تهلوکه‌سیزلیگه تأثیرلرینی موذاکیره ائتمک اوچون بلژیک-ین پایتاختی بروکسل-ده بیر آرایا گلیب و اورتاق یازی‌لی بیانات وئریب‌لر.
بیاناتا گؤره، طرف‌لر ایقلیم دییشیک‌لیگی‌نین دونیا اوچون واراولوش‌سال تهلوکه اولدوغونو، همچنین تهلوکه‌سیزلیک و ساوونما اوچون منفی تأثیرلر داشیدیغینی بیلدیریب‌لر. بو مقصدله ناتو و آوروپا بیرلیگی ایقلیم دییشیک‌لیگی‌نین تهلوکه‌سیزلیگه تأثیرلرینی آرا‌دان قال‌دیرماق، مسئله‌یه دایر یوغونلاشدیریلمیش دیالوق ایمکان‌لارینی آراش‌دیرماق اوچون امکداش‌لیغی گوجلندیرمه‌یه داوام ائتمک قرارینا گلیب‌لر.
طرف‌لر ناتو-نون جولای دا لیتوانین پایتاختی ویلنیوس-دا کئچیریله‌جک ذیروه توپلانتی‌سیندا ایقلیم دییشیک‌لیگی و اطراف موحیطین پیسلشمه‌سی‌نین تهلوکه‌سیزلیک آسپکت‌لری، انرژی ثمره‌لی‌لیگی، حربی فعالیت‌لر و تاسیس لرده ایستی‌خانا گازلارینین (گازهای گلخانه ای) انتشارینین اؤلچولمه‌سی و آزالدیلماسی کیمی فعالیت اینفورماسیون اوزرینده امکداش‌لیق ایمکان‌لارینی معین ائتمک باره‌ده راضیلاشیب‌لار.
آوروپا بیرلیگی، امریکا و ناتو بو مسئله‌لرله باغلی یوکسک سویه‌لی گؤروش‌لری داوام ائتدیرمک قرارینا گلیب‌لر.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
