آنتونیو گوترش: "ترور دونیانین هر بیر بؤلگهسینه منفی تأثیر ائدیر"
آنتونیو گوترش بمت-نین نیویورکداکی منزیل-قرارگاهیندا عضو دؤولتلرین ترورلا موباریزه تشکیلات لارینین 3-جو یوکسک سویهلی کنفرانسیندا چیخیش ائدیب.
بیرلشمیش میللتلر تشکیلاتینین (بمت) باش کاتیبی آنتونیو گوترش "ترورون دونیانین هر بؤلگهسینه تأثیر ائتدیگینی" وورغولایاراق ترورلا موباریزهنین اولوسلار آراسی سویهده دستکلنمهسینین واجیبلیگینی وورغولاییب.
آنتونیو گوترش بمت-نین نیویورکداکی منزیل-قرارگاهیندا عضو دؤولتلرین ترورلا موباریزه تشکیلات لارینین 3-جو یوکسک سویهلی کنفرانسیندا چیخیش ائدیب.
"ترور دونیانین هر بیر بؤلگهسینه تأثیر ائدیر. یئرلی و میللی تهلوکهسیزلیک ضعیفلیکلریندن، سیاسی، اقتصادی و تهلوکهسیزلیک سیستملرینین غیری-ثابیتلیگیندن قیدالانیر"، - دئیه آنتونیو گوترش بیلدیریب.
یوخسوللوغون، برابرسیزلیکلرین و سوسیال تجریدین ترورو آلوولاندیردیغینی وورغولایان آنتونیو گوترش “چیرکلی پوللارین یویولماسی، غیری-قانونی معدنچیلیک و سلاح، اویوشدوروجو(مواد مخدر)، قدیم اشیالار و اینسان قاچاقمالچیلیغی" کیمی جینایتکار فعالیتلرین ترورو مالیه لشدیردیگینی بیلدیریب.
ترورلا موباریزهده بو سعیلرین مرکزینده اولان بمت-نین ترورلا موباریزه اوزره قلوبال ایستراتژی بؤلمهسینین گوجلندیریلمهسینی ایستهین آنتونیو گوترش اینسان حاقلارینا حساسلیقلا یاناشاراق ترور تهلوکهسینین سونا چاتماسی اوچون قاباقلاییجی تدبیرلرین حیاتا کئچیریلمهسینین واجیبلیگینی ده وورغولادی.
"من بو هفته سونو بمت-نین قلوبال ترورلا موباریزه ایستراتژی ایله باغلی قطعنامهسینین ایجلاس طرفیندن یئکدیللیکله قبول ائدیلمهسینی صبیرسیزلیکله گؤزلییرم" دئیه آنتونیو گوترش قئید ائدیب.