آجلیق طریقتی سوروشدورماسیندا اؤلو ساییسی آرتیر

کنیادا "آجلیق طریقتی" سوروشدورماسین‌داکی توپلو مزار آختارما ایشلرین‌ده تاپیلان جسد ساییسی ۳۰۳ نفره یوکسلدی.
ساحل بؤلگه کمیسری رهودا اونیانچا، مطبوعاتا وئردیگی آچیقلامادا، موریدلرینی اؤلوم اوروجونا سؤوق ائد‌رک حیاتلارینی ایتیرمه‌لرینه یول آچان "آجلیق طریقتی" سوروشدورماسیندا یئنی جسدلرین تاپیلدیغینی آچیقلادی.
اونیانچا، طریقت لیدئری پل مکنزینین ترورلا سوچلاندیغی سوروشدورما‌دا، جسد ساییسینین ۳۰۳ نفره یوکسلدیگینی آچیقلادی.
گوود نیوز اینترنشنال کلیسه‌سی کشیشی مکنزینین، کلیسه‌سینده‌کی اینسانلارا آچ قالیب حضرت عیسی‌یا قوووشمالارینی وعد ائد‌رک بیر چوخ اینسانین اؤلومونه سبب اولدوغو ادعاسییلا سوروشدورما باشلادیلمیشدی.
طریقتین لیدئری مکنزی، سوروشدورمانین باشیندا پلیسلره ۱۰۰۰ نفرین جانسیز بدنینه چاتاجاقلارینی سؤیله‌میشدی.
عملیاتین باشین‌دان بو یانا طریقته قارشی ۴۵ گؤزآلتی ائدیلرکه‌ن، ۹۵ نفر ده جانلی اولاراق مئشه‌دن قورتاریلمیشدی.