آوروپا بیرلیگی یئنی کؤچ و سیغینا‌جاق قایدا‌لاری حاقیندا راضیلیغا گلیب

آوروپا بیرلیگی ایللرله داوام ائدن چیخیلماز وضعیت‌دن سونرا یئنی کؤچ و سیغینا‌جاق قایدا‌لاری حاقیندا راضیلیغا گلیب

آوروپا بیرلیگی عضو دؤولت‌لر آراسیندا ان موباحیثه‌لی مسئله‌لردن بیری اولان بیرگه کؤچ و سیغینا‌جاق قایدا‌لاری ایله باغلی اوزون ایللردیر داوام ائدن چیخیلماز وضعیت‌دن سونرا راضیلیغا گلیب.

آوروپا بیرلیگینه صدرلیک ائدن سوئد-ین کوچ ناظیری ماریا مالمر استنرگارد و آوروپا بیرلیگی کمیسیونونون ایچ ایشلریندن مسئول عضوو یلوا یوهانسون آوروپا بیرلیگی ایچ ایشلر ناظیرلرینین گؤروشون‌دن سونرا مطبوعاتا آچیقلاما‌لار وئریب.

"بو گون اوزون ایللر داوام ائدن دانیشیق‌لاردان سونرا بیز تاریخی آددیم آتدیق"، - استنرگارد بیلدیریب.

استنرگارد "قوردوغوموز مجبوری دایانیشما مکانیزمی کوچ تضییقینه ان چوخ معروض قالان عضو دؤولت‌لره دستک وئره‌جک. عضو دؤولت‌لر موختلیف دایانیشما تحفه لری آراسیندا سئچیم ائتمک ایمکانی الده ائده‌جک‌لر" دئییب.

بو تحفه لری ایضاح ائدن سوئد-لی ناظیر سیغینا‌جاق آختاران‌لاری قبول ائتمه‌ین عضو اؤلکه‌لرین ائو صاحیبی اؤلکه‌لره آدامباشینا 20 مین یورو اؤده‌یه‌جک‌لرینی، ایلک مرحله‌ده ماکسیموم 30 مین سیغینا‌جاق آختاران شخصین قبول ائدیله‌جگینی و سیغینا‌جاق آختاران شخصین مراجعتی‌نین قیمتلندیریلمه‌سی اوچون لیمیت 6 آی اولا‌جاق.

سوئد-لی ناظیر بیلدیریب کی، یالنیز لهستان و ماجاریستان راضیلاشمایا اعتراض ائدیب، قالان 25 عضو لازیم اولان سس چوخلوغونو تامین ائدیب.

یئنی قانون وئریجیلیگین قوه‌یه میندیک‌دن سونرا بوتون عضو دؤولت‌لر اوچون قوه‌ده اولاجاغینا دقت چکن آوروپا بیرلیگی کمیسیونونون ایچ ایشلردن مسئول عضوو یوهانسون دا "نتیجه‌ده قانونون تطبیقینی تامین ائده‌جک، موقاویله‌نین قورویوجوسو اولان قوروم کمیسیون دور. بونون باش وئرمه‌سینی تامین ائتمک اوچون بعضی خصوصی تدبیرلر ده یارادیلمیش‌دیر" دئییب.

قئید ائدک کی، 2015-جی ایلدکی کوچ بحرانیندان بری آی سیغینا‌جاق آختاران‌لارین عضو دؤولت‌لر آراسیندا نئجه بؤلوشدورولمه‌سی و سیغینا‌جاق مراجعت‌لری رد ائدیلن‌لرین گئری قایتاریلماسی ایله باغلی حل یول‌لاری آختاریر. آوروپا بیرلیگی کمیسیونونون بو مقصدله حاضیرلادیغی "کوچ و سیغینا‌جاق پاکتی" عضو دؤولت‌لرین فرق‌لی یاناشما‌لاری سببیندن قبول ائدیله بیلمه‌ییب.