فنلاند، ۹ روس دیپلماتی دیپورت ائتمه قراری آلدی

فنلاند حکومتی، روسیانین هلسینکی ائلچیلیگینده چالیشان و استخبارات پرسنلی اولان ۹ نفری دیپورت ائتمه قراری آلدی.
حکومت‌دن وئریله‌ن یازیلی آچیقلامادا، جمهورباشقانی ساولی نینیستونون، گونجل گلیشمه‌لری اله آلماق اوچون باخانلار قورولونو توپلادیغی بیلدیریلدی.
توپلانتیدا روسیا-اوکراینا ساواشی و آوروپاداکی وار اولان گوونلیک وضعیتینین اله آلیندیغی ایفاده ائدیله‌ن آچیقلامادا، بونلار قید ائدیلدی:
"جمهورباشقانی و باخانلار قورولو، کاخوفکا سدینین ییخیلماسینی اینسانی و ائکولوژیک بیر فاجعه اولاراق قیناماقدادیر. سدین پاتلاماسی، اوکراینادا وطنداشلارا و چئوره‌یه گئنیش ضرر وئره‌ن ساواشین یئنی بیر شکیل‌ده گلیشمک‌ده اولدوغو معناسینی وئرمکده‌دیر. آیریجا فنلاندین موسکوا ائلچیلیگین‌ده چالیشان و استخبارات پرسنلی اولان دوققوز نفری سینیر دیشی ائتمه قونوسون‌دا آنلاشما اولموشدور. بو شخصلرین ائیلملری دیپلوماتیک ایلیشکیلر حاقین‌دا وین آنلاشما‌سینی پوزماقدادیر. خاریجی ایشلر باخانلیغی قونویلا باغلی اولاراق روس ائلچیسینی بیلگیلندیره‌جک".
فنلاند خاریجی ایشلر باخانلیغی دا توییتر حسابین‌دان ائتدیگی پایلاشیمدا، روسیا ایش‌گودرینین چاغیریلاراق، اونا، روسیانین هلسینکی ائلچیلیگینده چالیشان و استخبارات گؤره‌و‌لیسی اولاراق تعیین اولونان ۹ نفرین سینیردیشی ائدیلدیگینین بیلدیریلدیگینی قید ائتدی.