حاضیردا فوق العاده تدبیرلرین اوزادیلماسی ضروری گؤرونمور
آوروپا بیرلیگی کمیسیونو یوکسک انرژی قیمت‌لری ایله باغلی فوق العاده حال‌لارین نظردن کئچیریلمه‌سی اوچون حاضیرلانمیش راپورو آوروپا شوراسینا گؤندریب.
آوروپا بیرلیگی کمیسیونو 2022-جی ایل انرژی بحرانی ایله علاقه‌دار حیاتا کئچیریلن الکتریک انرژی‌سینه طلباتین آزالدیلماسی و الکتریک انرژیسی تولید ائدن شیرکت‌لرین گلیرلری‌نین محدودلاشدیریلماسی کیمی تدبیرلرین لغو ائدیله‌جگینی آچیقلاییب.
آوروپا بیرلیگی کمیسیونو یوکسک انرژی قیمت‌لری ایله باغلی فوق العاده حال‌لارین نظردن کئچیریلمه‌سی اوچون حاضیرلانمیش راپورو درج ائدیب و آوروپا شوراسینا گؤندریب. راپوردا قئید اولونوب کی، انرژی بازاری اوچون الکتریک انرژی‌سینه طلباتین آزالدیلماسی، انرژی اوره تیجی لرینین گلیرلرینه محدودیت قویولماسی و الکتریک انرژیسی‌نین پراکنده ساتیش قیمت‌لری‌نین معین ائدیلمه‌سی کیمی قایدا‌لار آوروپا انرژی بازارلاری‌نین راحاتلاماسینا تحفه وئریب، آوروپا بیرلیگی الکتریک انرژیسی بازاریندا تکلیف و قیمت‌لر اوولکی ایله نیسبتن اهمیت‌لی درجه‌ده دییشیب. حاضیردا فوق العاده تدبیرلرین اوزادیلماسی ضروری و یا مقصده اویغون گؤرونمور.
راپوردا آوروپا بیرلیگی کمیسیونونون سؤزوگئدن انرژی بحرانی تدبیرلری‌نین اوزادیلماسینی تکلیف ائتمه‌یه‌جگی بیلدیریلیب.
الکتریک انرژیسی‌نین قیمت‌لری‌نین آرتیق مگاوات-ساعات اوچون 80 یورودان آشاغی دوشدوگونو خاطیرلا‌دان راپوردا قئید اولونوب کی، 2022-جی ایلده موشاهیده اولونان الکتریک انرژیسی قیمت آرتیم‌لاری‌نین نؤوبتی قیش دؤورونده باش وئرمه‌سی احتیمالی آزدیر.
قئید ائدک کی، 2022-جی ایلده روسیا-اوکراینا محاربه‌سی و انرژی بحرانی ایله آرتان طبیعی گاز و الکتریک قیمت‌لرینه قارشی آوروپا بیرلیگینه عضو اؤلکه‌لر بیر چوخ تدبیر و دستک پروقرامی حیاتا کئچیریب.
