۴۵ توربا ایچینده اینسان جسدلری تاپیلدی
توربالاردا تاپیلان جسد پارچالارینین قادینلارا و کیشیلره عاید اولدوغو، کیملیک تعیینی ایشلرینین سوردوگو، توپلو جسد ساییسینین تام اولاراق بیلینمه‌دیگی ایفاده ائدیلدی
مکزیکده گوادالاخارا شهرین‌ده‌کی بیر اوچوروم قیراغیندا ۴۵ توربا ایچریسینده اینسان جسدلری تاپیلدی.
توربالاردا تاپیلان جسد پارچالارینین قادینلارا و کیشیلره عاید اولدوغو، کیملیک تعیینی ایشلرینین سوردوگو، توپلو جسد ساییسینین تام اولاراق بیلینمه‌دیگی ایفاده ائدیلدی.
چتین اراضی قورولوشو و پیس ایشیقلاندیرما شرطلری سببی ایله آختارما ایشلرینین بیر نئچه گون داها داوام ائتمه‌سی گؤزله‌نیلیر.
خالیسکو ایالتی ساوچیلیغی، گئچه‌ن هفته بیر چاغری مرکزینین ۷ گنج چالیشانین ایتمه‌سیندن سونرا آختارما ایشلری باشلاتمیشدی. ساوچیلیق، ایتکین اولاراق بیلدیریله‌ن ۷ نفرین عاقیبتینین ده آراشدیریلدیغینی بیلدیردی.
مکزیکده حکومتینین رسمی بیلگیلرینه گؤره ۱۰۰ مین‌دن چوخ اینسان ایتکیندیر.
بو اینسانلارین چوخونون متشکل سوچ هؤرگوتلرینین قوربانی اولدوغو دوشونولور.
ایتنلرین اوچده ایکیسینی کیشیلر، بئش‌ده بیرینی ده ۱۸ یاش آلتینداکیلار اولوشدورور.
