بلینکن‌دن تورکیه‌یه اف-۱۶ ساتیشینا باغلی آچیقلاما
"اتفاقین بوتون عضولرینی، بعضی (گوونلیک) قایغیلارینا متمرکز ائتمیش اولماسینین تورکیه‌نین باشاریسی اولدوغونو دوشونوره‌م"
آمریکا بیرلشمیش دؤولتلری خاریجی ایشلر باخانی آنتونی بلینکن، جو بایدن رهبرلیگینین تورکیه‌یه اف-۱۶ ساتیشی قونوسونو، سوئدین ناتویا عضولوگونه باغلامادیغینی سؤیله‌دی.
بلینکن، سوئدین لولئو شهرین‌ده، سوئد باشباخانی اولف کریسترسون ایله اورتاق مطبوعات توپلانتیسین‌دا دانیشدی.
سوئدین ناتو عضولوگو ایله باغلی سوالا بلینکن،
"ناتویا قاتیلیم، بیر سوره‌جدیر. بو سوره‌ج بویونجا اتفاق عضولری اؤزلری اوچون راحاتسیز‌لیق عنصورو اولان قونولاری گوندمه گتیره‌بیلر و طبیعی کی تورکیه، سون بیر نئچه آیدا بونو ائتدی" جاوابینی وئردی.
بلینکن، سوئد و فنلاندین، تورکیه‌نین راحاتسیز‌لیقلارینی آرادان قالدیرماق اوچون دقته دگر آددیملار آتدیغینی ایفاده ائد‌رک "اتفاقین بوتون عضولرینی، بعضی (گوونلیک) قایغیلارینا متمرکز ائتمیش اولماسینین تورکیه‌نین باشاریسی اولدوغونو دوشونوره‌م. آنجاق بو قایغیلاری آرادان قالدیرماق اوچون ملموس آددیملار آتمیش اولمالاری دا سوئد و فنلاندین باشاریسیدیر" دگرلندیرمه‌سینی وئردی.
آمریکانین تورکیه‌یه اف-۱۶ ساتیشینین، سوئدین ناتو عضولوگونون تصدیقله‌نمه‌سینه باغلی اولدوغونا دایر ادعالارلا ایلگیلی بلینکن، ایکی‌سینین ده فرق‌لی قونولار اولدوغونو سؤیله‌دی.
بلینکن، جو بایدن یؤنتیمینین تورکیه‌یه اف-۱۶ ساتیشی قونوسونو، سوئدین ناتویا عضولوگونه باغلامادیغینی، بو ساتیشین آمریکانین دا چیخارینا اولدوغونو آنجاق هر ایکی قونونون دا ان قیسا زامان‌دا ایر‌لیله‌مه‌سی لازیم اولدوغونو دیله گتیردی.
سوئد باشباخانی کریسترسون دا، آمریکانین سوئدین ناتویا قاتیلیمینا وئردیگی دسته‌گه تشکر ائتدی.
کریسترسون، بیر سوال اوزرینه، تورکیه ایله ناتو عضولوگو قونوسون‌دا تماسلارین سوردوگونو ایفاده ائدیب، اؤلکه‌سینین تورکیه، سوئد و فنلاند آراسین‌داکی اوچلو آنلاشمانین گرکلیلیکلرینی یئرینه یئتیردیگینی ساووندو.
کریسترسون، تورکیه‌نین قرارینا حؤرمت ائتدیکلرینی ایفاده ائد‌رک "ایندی قرار وئرمه‌لرینی گؤزله‌ییریک" دئدی.
بو آرادا، آغ ائو سؤزچوسو کرین ژان پیر ده گونده‌لیک مطبوعات کونفرانسیندا، آمریکا باشقانی بایدنین، تورکیه‌یه اف-۱۶ ساتیشینا دایر دستگین‌ده اوزون مدت‌دیر آچیق اولدوغونو ایفاده ائد‌رک، سوئدین ناتویا عضولوگونون بونون بیر شرطی اولمادیغینی ایفاده ائتدی.
