سودان-دا آتشکسین مدتی داها 5 گون اوزادیلیب

سودان اوردوسو و چئویک رئاکسیا قوه لری ایمضالادیق‌لاری آتشکس راضیلاشماسی‌نین داها 5 گون اوزادیلماسی باره‌ده راضی‌لیق الده ائدیب‌لر.

امریکانین خارطوم سفیرلیگی‌نین سوسیال مئدیا حسابیندا ائدیلن پای‌لاشیمدا "سعودی عربیستانی و امریکا سودان اوردوسو قوه‌لری و چئویک رئاکسیا قوه لری آتشکس راضیلاشماسینی داها 5 گون اوزاتماسینی آلقیشلاییر"، - دئیه بیاناتدا قئید اولونوب.

آتشکسین اوزادیلماسی قراری‌نین داها چوخ اینسانی یاردیم و اساس خیدمت‌لرین گؤستریلمه‌سینه و اوزون مودتلی آتشکسین موذاکیره‌سینه واخت وئرجگی بیلدیریلیب.

بیاناتدا می‌ین 20-ده ایمضا‌لانان آتشکسین تام یئرینه یئتیریلمه‌سه ده، احتیاجی اولان تخمینن 1 میلیون سودان‌لییا اینسانی یاردیمین چاتدیریلماسینی تامین ائتدیگی وورغولانیب.

قئید ائدک کی، طرف‌لر آوریلین 15-دن بری داوام ائدن قارشیدورما‌لاری دایان‌دیرماق اوچون امریکا و سعودی عربیستانی‌نین آرابولوجولوغو ایله می‌ین 20-ده بیر هفته‌لیک آتشکس اعلان ائتدیک‌لرینی آچیقلاییب‌لار.

آتشکسین قوه‌یه مینمه‌سیندن بیر گون سونرا امریکا خاریجی ایشلر ناظیری آنتونی بلینکن سون آتشکسه عمل ائتمه‌سه‌لر، سودان‌لی ژنرال لارین تحریم لر ایله اوزلشه‌جک‌لری باره‌ده خبردارلیق ائدیب.