پیلوتلارین تعلیملرینده دانیمارکا و هوللاندیا رهبرلیک ائدهجک
امریکانین ساوونما ناظیری لوید آستین بیان ائدیب کی، دانیمارکا و هوللاندیا اوکراینا اوردوسونا اف-16 قیریجیلاریندا تعلیملر کئچمک اوچون یارادیلان آوروپا کوالیسیونونا رهبرلیک ائدهجک.
امریکانین ساوونما ناظیری لوید آستین بیان ائدیب کی، دانیمارکا و هوللاندیا اوکراینا اوردوسونا اف-16 قیریجیلاریندا تعلیملر کئچمک اوچون یارادیلان آوروپا کوالیسیونونا رهبرلیک ائدهجک.
اوکراینا ساوونما تماس قروپو توپلانتیسیندان سونرا آستین امریکا باش قرارگاه رئیسی ژنرال مارک میلی ایله بیرگه مطبوعات کنفرانسی کئچیریب.
ییغینجاقدا اوکراینا اوردوسونون بعضی کریتیک قابیلیت بوشلوقلاریندان دانیشدیقلارینی قئید ائدن آستین "اوکراینانین ان عاجیل احتیاجی قورودان، هاوا هوجوموندان ساوونما قابیلیتیدیر. بو تماس قروپو اوکراینانین هاوا مکانینی مدافعه ائده بیلمهسی اوچون فعال ایشلمهیه داوام ائدهجک" دئییب.
اوکراینالی پیلوتلارا اف-16 قیریجیلاری اوچون تعلیم وئریلمهسی مسئلهسینین ده موذاکیره ائدیلدیگینی ایفاده ائدن امریکانین ساوونما ناظیری، یاخین هفتهلرده باشلایاجاق تعلیم اوچون یارادیلان آوروپا کوالیسیاسیونا هوللاندیا و دانیمارکانین رهبرلیک ائدجگینی بیلدیریب.
ایکی اؤلکهنین امریکا و متفیقلری ایله تماسدا بیر تعلیم پروقرامی حاضیرلایاجاغینی قئید ائدن آستین "نروژ، بلژیکا، پورتوقالیا و لهستان تعلیم کئچیلمهسینه تحفه وئرمگی تکلیف ائتدی. بو مهم تشببوسده داها چوخ اؤلکهنین ایشتیراکینی گؤزلییریک" دئییب.
هاوا مکانینا نظارتین اساس مسئله اولدوغونا دقت چکن امریکا باش قرارگاه رئیسی میلی "اوکراینا سون بیر ایل یاریمدا اؤز هاوا مکانینی قوروماغین ان سرعتلی و اوجوز یولونون هاوا هوجوموندان ساوونمادان ایستیفاده ائتمک اولدوغونو افکتیو شکیلده نوماییش ائتدیردی" دئیه قئید ائدیب.
امریکانین بو سببله ایلک نؤوبهده انتگراسیون اولونموش، آشاغی هوندورلوک، قیسا منزیللی، اورتا هوندورلوک، اورتا منزیللی، یوکسک و یوکسک منزیللی ساوونما سیستملری تامین ائتدیگینی دیله گتیرن میلی اوکراینانین بوتون سلاح سیستملرینی افکتیو شکیلده ایستیفاده ائتدیگینی سؤیلهییب.
ایلگیلیلی خبرلر
اندونزیا-دا داشقینلار 41 نفرین اؤلومونه سبب اولوب
اندونزیانین باتی سیندا لئیسان یاغیشلارین سبب اولدوغو داشقینلار 41 نفرین اؤلومونه سبب اولوب.
گزینتییه گئدن ۵ اوشاق بوغولاراق حیاتینی ایتیردی
الجزیرده، اوخول گزینتیسی سیراسیندا بیر ساحلده دنیزه گیرهن ۵ اوشاق بوغولاراق حیاتینی ایتیردی