بریتانیانین بودجه کسیری 25،6 میلیاردا یوکسلدی
بؤیوک بریتانیادا خالص دؤولت بورجو، یوکسک تورم سببیله داها یوکسک بورج فایزینه گؤره آوریل آییندا اوولکی ایلین عینی دؤورو ایله موقاییسهده 11،9 میلیارد پوند آرتاراق 25،6 میلیارد پوندا چاتیب.
بؤیوک بریتانیادا خالص دؤولت بورجو، یوکسک تورم سببیله داها یوکسک بورج فایزینه گؤره آوریل آییندا اوولکی ایلین عینی دؤورو ایله موقاییسهده 11،9 میلیارد پوند آرتاراق 25،6 میلیارد پوندا چاتیب.
بؤیوک بریتانیا میللی ایستاتیستیک ایدارهسینین (ONS) معلوماتلارینا گؤره، آوریل آییندا دؤولت بورجو مووافیق معلوماتلارین ساخلانماغا باشلادیغی 1993-جو ایلدن بری ایکینجی ان یوکسک آوریل بورجو اولاراق قئیده آلینیب.
یوکسک تورم قارشیسیندا آرتان بورج فایزی، اینگیلترهنین خالص دؤولت بورجونون اوولکی ایلین عینی آیینا گؤره آرتماسیندا تأثیرلی اولوب.
بیلدیریلیب کی، آوریل ده دؤولت بورجو گؤزلنتیلری اوستهلهییب و 3،1 میلیارد پوند اولوب.
بونونلا دا، بؤیوک بریتانیادا دؤولت بورجونون عمومی داخیلی محصولونا نیسبتی آوریل آییندا 99،2 فایزه یوکسهلهرک سون 70 ایلین ان یوکسک سویهسینه چاتیب.
قئید ائدک کی، بودجه مسئولیتی ایدارهسینین آچیقلاماسینا گؤره، انرژی سوبسیدلری، ائلهجه ده بورج فایزی بودجه کسیرینین آرتماسینا سبب اولان عامللردن اولوب. انرژی دستکی اوچون حکومت سوبسیدلری آوریل آییندا کئچن ایلین عینی آیینا نیسبتن 1،8 میلیارد فوند آرتاراق 3،9 میلیارد پوندا یوکسلیب.