اورسولا فون در لاین:"فسیل یانا‌جاق‌لار دؤورو کئچیب"

آوروپا بیرلیگی کمیسیونونون صدری اورسولا فون درلاین فسیل یانا‌جاق‌لارا اساس‌لانان اینکیشاف مدلی دؤورونون کئچدیگینی سؤیله‌دی.

اورسولا فون در لاین بلژیک-ین پایتاختی بروکسل-ده آوروپا پارلامنتینده کئچیریلن "اینکیشاف‌دان کنار" کنفرانسی‌نین آچیلیشیندا چیخیش ائده‌رک دئدی: "گاز یانا‌جاق‌لارینا فوکوس‌لانان بیر بؤیومه مدلی آرتیق اعتبارلی دئییل. اقتصادلار سرعتله کربن سیزلاشدیریلما‌لی‌دیر. آوروپا یاشیل سازیشی بو سبب‌دن حاضیرلاندی. تمیز انرژییه اساس‌لانان دایروی اقتصادیاتین قورولماسی معاصر دؤورون ان مهم اقتصادی پروبلئم‌لریندن بیری‌دیر.

آوروپا یاشیل سازیشی یالنیز "ایقلیم دییشیک‌لیگی ایله موباریزه" و "ایقلیم دوستو قاره یه قاییتماق پلانی" دئییل. بو هم ده رفاه، مسئولیت و داواملی اقتصادی بؤیومه مدلی دیر.

داواملی اقتصادیات تمیز تکنولوژی لر اوچون تدقیقات و اینکیشافی سرعتلن‌دیره‌جک واسیطه‌لر یارادا‌جاق و سوسیال مقصدلره تحفه وئره‌جک.

بو گون بیز فسیل یانا‌جاق اینکیشاف مدلینی گئریده قویوروق."