کئچن ایل 61 میلیون اینسان دیدرگین دوشوب

2022-جی ایلده دونیادا 61 میلیونا یاخین اینسان مجبوری کؤچکون وضعیتینه دوشوب.

اولوسلار آراسی کوچ تشکیلاتیندان (IOM) وئریلن یازیلی آچیقلامادا اولکه ایچینده کؤچورولمه ایزلمه مرکزی‌نین (IDMC) راپوروندا 2022-جی ایلده اؤلکه ایچینده یئردییشمه رقم‌لری‌نین موذاکیره ائدیلدیگی بیلدیریلیب.

بیاناتدا بو رقمین ایندییه قدر بیلدیریلن "ان یوکسک اولکه ایچینده یئردییشمه" اولدوغو قئید ائدیلیب.

راپوردا موناقیشه و زوراکیلیغین 28،3 میلیون اینسانین دیدرگین دوشمه‌سینه سبب اولدوغو و بو رقمین 60 فایزی‌نین اوکراینا‌دان اولدوغو بیلدیریلیب.

هر ایل میلیون‌لارلا اینسانین طبیعی فلاکت‌لر سببیله ائو-ائشیگیندن دیدرگین دوشدوگو قئید ائدیلن راپوردا پاکیستان‌داکی داشقین‌لار و فیلیپین-ده‌کی "نورو" تایفونو دا داخیل اولماقلا طبیعی فلاکت‌لرین 32،6 میلیون اینسانین اؤلکه داخیلینده کؤچمه‌سینه سبب اولدوغو وورغولانیب.

طبیعی فلاکت‌لرین ایقلیم دییشیک‌لیگی چرچیوه سینده داها تز-تز باش وئردیگینی و اونلارین مدتی و شدتی‌ آرتدیقجا بو رقم‌لرین آرتاجاغی‌نین گؤزلنیلدیگی بیلدیریلن راپوردا دونیا بانکی 2050-جی ایله قدر راضیلاشدیریلمیش تدبیرلر پلانی حاضیرلانمادیغی تقدیرده 216 میلیون اینسانین "مجبوری کؤچکون ایقلیم کوچمنی" اولاجاغینی تخمین ائتدیگینی ده قئید ائدیب.

راپوردا همچنین ارزاق تهلوکه‌سیزلیگی داخیلی یئردییشمه اوچون حل یول‌لارینا پتانسیل مانعه کیمی وورغولانیب.