هیندیستان "دونیانین ان قالابالیق اؤلکه‌سی اولما" یولوندا

هیندیستان "دونیانین ان قالابالیق اؤلکه‌سی اولما" یولوندادیر.
بیرلشمیش میللتلر جمعیت صاندیغی "۸ میلیارد حیات، سونسوز احتیماللار: حاقلار و سئچیملر مسئله‌سی" باشلیقلی "۲۰۲۳ دونیا جمعیتی وضعیت راپورو" یاییملاندی.
هیندیستانین اهالیسینین ایلین اورتالاریندا تخمیناً ۳ میلیون فرقله چینی گئچه‌جگی ایفاده ائدیله‌ن راپوردا، هیندیستانین اهالیسینین ۱ میلیارد ۴۲۸ میلیونا چاتاجاغی تخمین ائدیلیر.
راپور‌دا، کونگو دموکراتیک جمهوریتی، مصر، اتیوپی، هیندیستان، نیجریه، پاکیستان، فیلیپین و تانزانیا اولماق اوزره ۸ اؤلکه‌نین ۲۰۵۰یه قدر نظرده توتولان جمعیت آرتیشینین یاریسینی اولوشدوراجاغی بیلدیریلدی.
بیرلشمیش میللتلرین جمعیت بیلگیلرینی توپلامایا و یاییملامایا باشلادیغی ۱۹۵۰دن بو یانا هیندیستانین اهالیسینین ایلک دفعه چینی گئچه‌جگی قید ائدیلدی.
چینین اهالیسی، ۲۰۲۲ده ۸۰۰ مین نفر آزالاراق، ۱۹۶۱دن بو یانا ایلک دفعه گئریله‌میشدی.
میللی استاتیستیک بوروسونون بیلگیلرینه گؤره، چین آنا تورپاغینین اهالیسی ۲۰۲۱ده ۱ میلیارد ۴۱۲ میلیون ۶۰۰ مین ایکن، ۲۰۲۲ده ۱ میلیارد ۴۱۱ میلیون ۸۰۰ مین اولاراق تعیین اولونموشدو.
بیرلشمیش میللتلر اقتصادی و اجتماعی ایشلر دایره‌سینین یاییملادیغی"دونیا اهالی گؤزلنتیلری ۲۰۲۲" راپوروندا، چین اهالیسینین ۲۰۲۳ون باشین‌دان اعتباراً "موطلق آزالما سوره‌جینه" گیره‌جگی، هیندیستان اهالیسینین ایسه آرتیشینی داوام ائتدیره‌رک دونیانین ان قالابالیق اؤلکه‌سی اولاراق چینی گئریده بوراخاجاغی اؤن گؤروسونه یئر وئریلمیشدی.
راپور‌دا، چین جمعیتینین ۲۰۵۰ده ۱ میلیارد ۳۱۷ میلیونا، عصرین سونوندا ایسه ۷۶۶ میلیونا قدر گئریله‌یه‌جگینین تخمین ائدیلدیگی ایفاده ائدیلمیشدی.