G7 اؤلکهلرینین مالیه ناظرلری اوکراینایا دستکلرینی آچیقلاییبلار
بیاناتین اولینده تورکیه و سوریه-ده باش وئرن داغیدیجی زلزلهلر نتیجهسینده اینسان تلفاتی و داغینتیلاردان درین کدر دویولدوغو، زلزلهدن ضرر چکمیش اینسانلارا دستکین داوام ائتدیگی وورغولانیب.
بیاناتین اولینده تورکیه و سوریه-ده باش وئرن داغیدیجی زلزلهلر نتیجهسینده اینسان تلفاتی و داغینتیلاردان درین کدر دویولدوغو، زلزلهدن ضرر چکمیش اینسانلارا دستکین داوام ائتدیگی وورغولانیب.
روسیا-اوکراینا محاربهسینین ایلدؤنومو عرفهسینده بیاناتدا محاربهنین و روسیانین ارزاق و انرژینی بیر سلاحا چئویرمهسی نتیجهسینده یارانان قلوبال اقتصادی پروبلئملرین حلی اوچون اولوسلار آراسی امکداشلیغی گوجلندیرمک عزمی وورغولانب.
بیاناتدا "اوکراینا حکومتینین احتیاجلارینا اویغون اولاراق، 2023-جو ایل اوچون بودجه و اقتصادی دستک عهده لیگیمیزی 39 میلیارد دولارا یوکسلتدیک" ایفادهسیندن ایستیفاده ائدیلیب.
G7-نین مالیه ناظیرلری و مرکزی بانک رهبرلری همچنین IMF -ی مارسین سونونا قدر اوکراینایا "اعتبارلی، ادعالی، تام مالیهلشدیریلن و لازیمی شکیلده شرطلندیریلمیش" پروقرام تقدیم ائتمهیه چاغیریبلار.
بیاناتدا همچنین روسیانین محاربهسینه جاواب اولاراق حیاتا کئچیریلن کووردیناسیونلو اقتصادی تدبیرلره صادقلیک بیر داها وورغولانیب و بیرگه سعیلرین اوکراینانین کریتیک آلت یاپی سینین تعمیرینه دستک و تحفه وئرمهیه داوام ائدجگی بیلدیریلیب.
"بیز تحریم لریمیزی تطبیق ائتمک، تحریم لردن یایینما جهدلرینین قارشیسینی آلماق اوچون بیرگه و طرفداشلاریمیزلا یاخیندان ایشلمهیه داوام ائدجییک. بو چرچیوده بیز دیگر اؤلکهلری روسیایا قارشی تحریم لریمیزه قوشولماغا چاغیریریق"، - بیاناتدا دئییلیب.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.