بروکسل‌ده باغیشچیلار کنفرانسی تشکیل ائدیله‌‌جک
سوئدین خاریجی ایشلر باخانی ۱۶ مارس‌دا بلژیکین باشکندی بروکسل‌ده باغیشچیلار کنفرانسی تشکیل ائدیله‌جگینی آچیقلادی
آوروپا بیرلیگی دؤنم باشقانی سوئدین خاریجی ایشلر باخانی توبیاس بیلستروم، قهرمان ماراش مرکزلی زلزله‌لرین آردیندان تورکیه و سوریه‌ده‌کی زلزله‌دن ضرر گؤرنلر اوچون اولوسلارآراسی توپلومدان باغیش ییغماق اۆزره، ۱۶ مارس‌دا بلژیکین باشکندی بروکسل‌ده باغیشچیلار کنفرانسی تشکیل ائدیله‌جگینی آچیقلادی.
بیلستروم، آوروپا بیرلیگی اؤلکه‌لرینین خاریجی ایشلر باخانلارینی بیر آرایا گتیره‌ن خاریجی ایلیشکیلر شوراسی ییغینجاغینین گیریشین‌ه، ۶ فوریه‌ده میدانا گلن و مینلرجه اینسنانین یاشامینی ایتیرمه‌سینه سبب اولان ۷،۷ و ۷،۶ بؤیوکلوگونده‌کی زلز‌له‌لرله باغلی آچیقلاما وئردی.
اؤلکه‌سینین آوروپا بیرلیگی دؤنم باشقانلیغی مدتینجه "ییخیجی زلز‌له‌له باغلی الین‌دن گله‌نی ائتمک ایسته‌دیگینی" ایفاده ائد‌ن بیلستروم، داها اؤنجه مارس آیینین باشیندا ائدیله‌جگی اعلان ائدیلن باغیشچیلار کنفرانسینین، ۱۶ مارس‌دا تشکیل ائدیله‌جگینی بیلدیردی.
توبیاس بیلستروم، کنفران‌ین آوروپا بیرلیگی کمیسیونو ایله بیرلیکده تشکیل ائدیله‌جگینی و زلز‌له‌نین قورخونج نتیجه‌لرینی مومکون اولدوغونجا یونگوللشدیرمه‌نین آماجلاندیغینی سؤیله‌دی.
سوئد خاریجی ایشلر باخانی بیلستروم، "بو کنفرانسا یوکسک سویه‌ده ایشتیراک گؤزله‌ییریک، آیریجا تورکیه و سوریه خالقی اوچون الیمیزدن گله‌نین ان یاخشی‌سینی ائتمک اوچون داها چوخ پول ییغابیلمه‌یی اومود ائدیریک" دئیه دانیشدی.
