چین و ایراندان طالبانا چاغری
"ایکی طرف، افغانیستان ایدارهچیلرینه، بوتون اتنیک قروپلارین و سیاسی قروپلارین گئرچک آنلامدا قاتیلدیغی بیر حکومت قورما و قادینلارا، ائتنیک آزلیقلارا و دیگر دینلره قارشی بوتون آیریمچی اویقولامالاری سونلاندیرما چاغیریسی ائتدی"
چین ایله ایران، افغانیستاندا طالبان گئچیجی حکومتینی، قادینلارین ایش و تحصیلینه قارشی محدودیتلره سون وئرمهسی چاغیردی.
ایران جمهورباشقانی ابراهیم رئیسینین چینه ائتدیگی اوچ گونلوک رسمی سفرینی تاماملاماسینین آردیندان دونن اورتاق بیلدیری یاییملاندی.
رئیسی ایله چین دؤولت باشقانی شی جینپینگین، سیاست، گوونلیک و ساوونما، اقتصادی قالخینما، تحصیل و مدنیت قونولارینین یانی سیرا بؤلگهسل و اولوسلارآراسی مسئلهلری اله آلدیغی وورغولانان آچیقلامادا، گؤروشمهلرده اقتصادی امکداشلیغا باغلی اولاراق تیجارت، اکینچیلیک، صنایع، یئنیلنهبیلیر انرژی و آلت یاپی قونولارینین دا ماسایا یاتیردیلدیغی بیلدیریلدی.
آچیقلامادا، افغانیستاندا آگوست ۲۰۲۱ده ایش باشینا گلدیگیندن بو یانا طالبانین، قادینلارین و قیز اوشاقلارین تحصیل و ایش حیاتینداکی گؤرونورلوگونه محدودیتلر تطبیق ائتمهسینه دایر قدگرلندیرمهلر ده یئر آلدی.
"ایکی طرف، افغانیستان ایدارهچیلرینه، بوتون اتنیک قروپلارین و سیاسی قروپلارین گئرچک آنلامدا قاتیلدیغی بیر حکومت قورما و قادینلارا، ائتنیک آزلیقلارا و دیگر دینلره قارشی بوتون آیریمچی اویقولامالاری سونلاندیرما چاغیریسی ائتدی" ایفادهسی یئر آلان آچیقلامادا، باشدا آمریکا بیرلشمیش دؤولتلری اولماق اوزره، بعضی ناتو اؤلکهلرینین افغانیستانداکی مؤوجود وضعیتدن سوروملو اولدوغو قید ائدیلدی.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.