پلیسین ووردوغو شخص اؤلدو

فرانسانین باشکندی پاریس‌ده پلیس طرفین‌دن وورولان شخص یاشامینی ایتیردی.

فرانسا مطبوعاتیندا یئر آلان خبرلره گؤره، الینده سلاحلا گزه‌ن بیر شخصین اولدوغو خبری اۆزرینه پلیس، پاریسین ۱۱-جی بؤلگه‌سینه گئتدی.

پلیسلر، الینده‌کی سلاحی اؤزونه دوغرو توتان شوبهه‌لییه آتیش ائتدی.

دؤشونه ۴ گولـله اصابت ائدن شخص یاشامینی ایتیردی.

عدلی قایناقلار، اؤلن شخصین پلیسلره هئچ بیر شئی دئمه‌دیگینی آنجاق، "تهدید ائدیجی" اولدوغونو قید ائتدی.

کیملیگی  هله‌لیک معین ائدیلمه‌یه‌ن شوبهه‌لینین الینده‌کی سلاحین ایسه ساختا اولدوغو معین ائدیلدی.

حادثه ایله باغلی سوروشدورما باشلادیلدی.