ایفل بورجونا "ایراندا اعداملارا دوردورون" یازیسی عکس ائتدیریلدی
اعتراضلارا قاتیلدیقلاری اوچون اعداما محکوم ائدیلهنلرین ساییلاری هر گئچن گون آرتارکن، پاریس بلدیهسیندن ایرانلی گؤستریچیلره دستک و ایران حکومتینه تپکی گلدی
فرانسانین باشکندی پاریسده مشهور ایفل بورجونا "ایراندا اعداملارا دوردورون" یازیسی عکس ائتدیریلدی.
ایراندا گنج بیر قادینین اؤلومو ایله باشلایان اعتراضلارا قاتیلدیقلاری اوچون اعداما محکوم ائدیلهنلرین ساییلاری هر گئچن گون آرتارکن، پاریس بلدیهسیندن ایرانلی گؤستریچیلره دستک و ایران حکومتینه تپکی گلدی.
پاریس بلدیهسی طرفیندن وئریلهن آچیقلامادا، ایفل بورجونا سؤزوگئدن شعارلارین، ایران حکومتینین اعتراضچیلاری اعدام ائتمهیه داوام ائتدیگی بیر سیرادا "اؤزگورلوکلری اوچون جسارتله ساواشانلارین خاطرهسینی یاد ائتمک و موخالیفلره دستک اولماق آماجی ایله" یانسیدیلدیغی بیلدیریلدی.
بو آرادا، ایفل بورجونون قارشیسیندا اولان تروکادرو میدانیندا توپلانان ایرانلی موخالیفلر ایسه حکومت علیهینه اعتراضلارینی داوام ائتدیردیلر.
پاریس بلدیه باشقانی آن ایدالگو، حیاتینی ایتیرن و اعتراضلارین باشلاماسینا سبب اولان مهسا امینییه اکتبر آییندا پاریس شهرینین فخری وطنداشلیغینی وئرمیشدی.
تهراندا، مهسا امینینین اخلاق پلیسی طرفیندن باش اؤزتوسو قانونونا اویمادیغی اوچون گؤزآلتینا آلیندیقدان سونرا اؤلمهسی ایله اؤلکهده اعتراضلار باشلامیشدی.
نروژ مرکزلی ایران اینسان حاقلاری تشکیلاتی ایسه کوچه گؤستریلرینه گوونلیک قوهلرینین موداخیلهسی نتیجهسینده ۴۰۰دن چوخ اعتراضچینین اؤلدوگونو آچیقلامیشدی.
اؤلکهده اعتراضلارا گؤره ۲۲ نفر اعداما محکوم ائدیلیرکن، اونلاردان دؤردونون حؤکمو اجرا ائدیلدی.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.