نیجریه-ده ارزاق بحرانی

نیجریه-ده بو ایل 25 میلیون اینسانین ارزاق بحرانی ایله اوزلشه‌جگی ایله باغلی خبردارلیق ائدیلیب.

بو باره‌ده بیرلشمیش میللت‌لر تشکیلاتی‌نین اوشاق فوندونون (یونیسف) وئردیگی بیاناتدا بیلدیریلیب. بیاناتدا ( Cadre Harmonise) 2022-جی ایلین 22 اوکتبر تاریخینده یاییملادیغی راپورا دقت چکیلیب.

راپوردا حکومت و اولوسلار آراسی تشکیلات‌لارین تدبیر گؤرمه‌یه‌جگی تقدیرده نیجریه-ده ژوئن-آوقوست آیلاریندا 25 میلیون اینسانین ارزاق بحرانی ایله اوزلشه‌جگی بیلدیریلیب.

بیاناتدا اؤلکه‌ده قارشیدورما، ایقلیم دییشیک‌لیگی، تورم و آرتان ارزاق قیمت‌لری‌نین ناراحات ائدیجی حده چاتدیغی وورغولانیب و بو سبب‌لردن 17 میلیون اینسانین ارزاق بحرانی ایله اوزلشه‌ بیله‌جگی بیلدیریلیب.

اؤلکه‌ده‌کی هاوا شرایطی‌نین گله‌جکده ارزاق تهلوکه‌سیزلیگینه تأثیر ائدن ان بؤیوک عامل‌لردن بیری اولاجاغی دقته چاتدیریلیب.