آلمانیانین ساوونما باخانی استعفا ائتدی

آلمانیانین ساوونما باخانی کریستین لامبرشت وظیفه‌سیندن استعفا ائتدی.

کریستین لامبرشت، ساوونما باخانلیغینین توییتر حسابین‌دان وئردیگی آچیقلامادا، وظیفه‌سین‌دن آیریلماق قرارینی باشباخان اولاف شولتسا چاتدیردیغینی سؤیله‌دی.

لامبرشت، استعفا قراری ایله باغلی،

"مئدیانین آیلاردیر منه متمرکز اولماسی، عسگرلر، سلاحلی گوجلر و آلمانیا وطنداشلارینین چیخارینا اولان گوونلیک سیاستی قرارلاری حاقین‌دا طرفسیز خبر حاضیرلانماسینا و دارتیشیلماسینا اجازه وئرمیر. عسگرلرین و اوردوداکی چوخ ساییدا اینسانین دگرلی چالیشمالاری اؤن پلان‌دا اولمالی‌دیر. بو ندنله ده وظیفه‌مدن آیریلما قرارینا گلدیم" دئدی.

کریستین لامبرشت، وظیفه‌سی بویونجا گافلاری ایله گوند‌مه گلمیش و توپلومدا تنقیدلرین هدفینه چئوریلمیشدی.

۲۰۲۱-جی ایلین دسامبرین‌دا ساوونما باخانی اولان لامبرشت ایلک موصاحیبه‌لرینین بیرین‌ده اوردودا روتبه‌لری بیلمه‌دیگینی سؤیله‌مه‌سی و ۲۴ فوریه‌ده روسیا-اوکراینا ساواشی باشلامادان اؤنجه ۲۰۲۲-جی ایلین ژانویه آییندا  اوکراینایا ۵ مین دبیلقه گؤندرجیگینی آچیقلاماسی تپکیلره سبب اولموشدو.

ساوونما باخانی لامبرشتین اوردویا عاید هئلیکوپتر ایله اوغلونو عسگرلری گؤرمه‌یه آپارماسی و اوغلونون هلیکوپترده چکیلمیش شکلینی سوسیال مئدیادا پایلاشماسی دا سرت شکیلده تنقیدلره ائدیلمیشدی. لامبرشت و اوغلو، گؤروشمه‌دن سونرا تعطیله گئتمیشدی. لامبرشت، آیلار سونرا سؤزوگئدن فوتوگرافی اؤزونون چکدیگینی اعتراف ائتمیشدی.

سون اولاراق، یئنی ایل گئجه‌سی سوسیال مئدیادان قوتلاما فیشنگلرینین سسلری آراسیندا یئنی ایل مئساژی پایلاشان لامبرشتین بو پایلاشیمی کسکین تنقیدلره سبب اولوموش، موخالیفت پارتیلری اونون استعفاسینی طلب ائتمیشدی.