سوئد: "تورکیه-نین ناراحاتلیقلارینی آرادان قالدیراجاغیق"
بیلستروم تورکیه، سوئد و فینلاندیا ایله اوچلو آنلاشما چرچیوهسینده اؤلکهسینین آتاجاغی آددیملاری دیرلندیریب.
سوئد-ین خاریجی ایشلر ناظیری توبیاس بیلستروم دئییب کی، آنایاسا دییشیکلیگی ایله اؤلکهسینده ترور فعالیتینی تانیتماق، تبلیغاتینی آپارماق و بایراقلاریندان ایستیفاده ائتمک ده جینایت ساییلاجاق.
بیلستروم تورکیه، سوئد و فینلاندیا ایله اوچلو آنلاشما چرچیوهسینده اؤلکهسینین آتاجاغی آددیملاری دیرلندیریب.
بیلستروم "مادرید-ده تورکیه، سوئد و فینلاندیا آراسیندا ایمضالانان موقاویله ایلک آددیم اولدو. اؤلکهمین ناتو-یا عضو اولماسی ایله بوتون ساحهلرده امکداشلیغی داها دا گئنیشلندیرمک ایستییریک" دئییب.
بیلستروم بیلدیریب کی، سوئد-ده ترورلا باغلی آنایاسایا ائدیلن دوزلیش ژانویهنین 1-دن قوهیه مینهجک:
"بیز آنایاسانین مادهسینه دییشیکلیک ائدهرک ترور تشکیلاتینا قوشولماغی، اونو دستکلهمگی و یا گوجلندیرمگی جینایت حساب ائدیریک. مارسین 7-ده پارلامئنته تقدیم ائدجگیمیز قانون لاییحهسی ایله سوئد جینایت مجلهسینده یئنی بیر جینایت یاراداجاغیق. تورپاقلاریمیزدا ترور فعالیتینی تبلیغ ائتمک، اونلارین بایراقلارینی دالغالاندیرماق جینایت ساییلاجاق".
بیلستروم آنایاسا و قانونلارا ائدیلن دییشیکلیکلرین تورکیه-نین ترورلا باغلی بیر چوخ ناراحاتلیغینی آرادان قالدیراجاغینا دقت چکهرک دئییب کی، تورکیه-نین ترورون مالیلشدیریلمهسی ایله باغلی ناراحاتلیغی وار. اینسانلارین پ.کا.کا کیمی ترور تشکیلاتلارینا دستک توپلاماق اوچون سوئد اراضیسیندن ایستیفاده ائتمهلری ایله باغلی ناراحاتلیقلار وار. بو قانون دییشیکلیکلری ایله بونلار داها دا چتینلشهجک. اونا گؤره ده بو قانونلاری قوهیه میندیریریک".
قئید ائدک کی، تورکیه ژوئنین 28-ده ایسپانیانین پایتاختی مادریدده کئچیریلن ناتو ایجلاسیندا عضولوک اوچون مراجعت ائدن فینلاندیا و سوئده وتو قویور. ترور تشکیلاتلارینا آچیق دستک وئرن ایکی اؤلکه ایله پروتوکول ایمضالایان آنکارا وئریلن وعدلرین یئرینه یئتیریلمهسینی گؤزلییر.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.