بؤیوک بریتانیانین یئنی باش ناظیری معلوم اولوب

ریشی سوناک بؤیوک بریتانیانین یئنی باش ناظیری اولوب.

اونون 180 محافظه کار میللت وکیلی دستکله‌ییب، یگانه رقیبی پنی موردانت ایسه 30 سس بئله توپلایا بیلمه‌دیگیندن نامیزدلیگینی گئری گؤتوروب. نتیجه‌ده ریشی سوناک اتوماتیک اولا‌راق بریتانیا محافظه کارلار پارتیاسی‌نین رهبری سئچیلیب.

بونونلا دا 42 یاش‌لی سیاستچی بریتانیا تاریخینده سون 200 ایلین ان گنج باش ناظیری اولوب.

قئید ائدک کی، هیندوستان اصیللی ریشی سوناک 1980-جی ایلده بؤیوک بریتانیادا دوغولوب. او، سابیق باش ناظیر ترزا می‌ین دؤورونده ناظیر معاوینی، بوریس جانسونون دؤورونده ایسه مالیه ناظیری ایشله‌ییب.

خاطیرلاداق کی، لیز تراس اوکتبرین 20-ده 45 گونلوک حاکمیتیندن سونرا ایستعفایا گئدیب.