"ایکی نسیلدن سونرا ایلک دفعه اتم سلاحی قوللانما احتیمالی وار"
قازاقیستان جمهورباشقانی توکایئو: اتم گوجونه صاحیب اولانلارین آرتان رقابتی و سؤیلملریندن قایغیلیییق
قازاقیستان جمهورباشقانی قاسیم جؤمرت توکایئو، دونیانین ایکی نسیلدن سونرا ایلک دفعه اتم سلاحی قوللانما احتیمالی ایله اۆز اۆزه اولدوغونو سؤیله‌دی.
قاسیم جؤمرت توکایئو، نیویورک‌دا بیرلشمیش میللتلر ۷۷.جی باش قورولونداکی دانیشماسیندا، قازاقیستانین گئچمیشده نۆوه سیناقلاریندان جدی ضرر گؤردویونه ایشاره ائدرک،
"اتم گوجونه صاحیب اولانلارین آرتان رقابتی و سؤیلملریندن قایغیلیییق" دئدی.
سوپر دؤولتلر آراسیندا قارشیلیقلی گۆونسیزلیگین قایغی وئریجی حده چاتدیغینا دقت چکه‌ن توکایئو:
"دونیا ایکی نسیلدن سونرا ایلک دفعه اتم سلاحیندان ایستیفاده احتیمالی ایله اۆز اۆز‌دیر" دئدی.
بیرلشمیش میللتلرین، دؤولتلرین اگمنلیک برابرلیگی، تورپاق بوتؤولوگونه سایغی و دؤولتلرین باریش ایچینده یاشاماسی کیمی اوچ اساس پرنسیپی آراسینداکی باغین گؤزدن کئچیریلمه‌لی اولدوغونا دقت چکه‌ن توکایئو،
"بو اوچ ایلکه بیر بیرینه باغلیدیر. بو پرنسیپلردن بیرینین پوزولماسی دیگر ایکیسینین پوزولماسیدیر. کۆره‌سل نۆوسیزلشدیرمه یاساسینین ضعیفله‌مه‌سی بو اوچ پرنسیپین تهلوکه آلتیندا اولماسی دئمک‌دیر" ایفاده‌لرینی ایشلتدی.
