کانادا-دا ایکی سالدیرقان 10 نفری اؤلدوروب
کانادا پولیسی ساسکاچوان ایالتینده 10 نفری بیچاقلایان و ان آزی 15 نفری یارالایان ایکی سالدیرقانی آختاریر.
کانادا پولیسی ساسکاچوان ایالتینده 10 نفری بیچاقلایان و ان آزی 15 نفری یارالایان ایکی سالدیرقانی آختاریر.
کانادا کراللیغینین آتلی پولیسی RCMP-نین ساسکاچوان بؤلمهسی طرفیندن سوسیال مئدیادا ائدیلن آچیقلامادا قارداش اولدوقلاری دوشونولن دیمین ساندرسون (31) و مایلز ساندرسون (30) بازار گونو سحر جیمز اسمیت کری نیشن و الدون شهریندن باشلایاراق 13 یئرده اینسانلارا بیچاقلا هوجوم ائتدیگی بیلدیریلیب.
RCMP ساسکاچوان سؤزچوسو روندا بلک مور دا ایالتین پایتاختی رجینا-دا کئچیردیگی مطبوعات کنفرانسیندا "هوجوملاردا ایلک معلوماتلارا گؤره 10 نفر اؤلوب. 15 نفر یارالی اولاراق خستهخانالارا آپاریلیب. دوشونوروک کی، یارالانان و اؤز ایمکانلاری ایله خستهخانایا گئدنلر اولا بیلر. هلهلیک 2 شوبههلینی آختاریریق" دئییب.
RCMP -نین سوسیال مئدیا یازیلاریندا شوبههلیلری تاپماق اوچون "تهلوکهلی شخصلر خبردارلیغی" وئریلیب.
آرتیق کانادانین باش ناظیری جاستین ترودو بیچاقلی هوجوملار نتیجهسینده هلاک اولانلارین عائلهلرینه باش ساغلیغی وئریب و حکومتین وضعیتی ایزلهدیگینی بیلدیریب.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.