روسیا گاز نقلینی اوچ گون مدتینه دایاندیریب
روسیا طبیعی گازینی آلمانیایا داشییان "قوزیی آخینی" بورو کمری ایله داشیمالار بو گوندن اعتباراً اوچ گون مدتینه دایاندیریلیب.
روسیانین "گازپروم" شیرکتی "قوزیی آخینی" گاز کمری ایله گاز نقلینی اوچ گون مدتینه دایاندیراجاغینی آچیقلاییب.
روسیا طبیعی گازینی آلمانیایا داشییان "قوزیی آخینی" بورو کمری ایله داشیمالار بو گوندن اعتباراً اوچ گون مدتینه دایاندیریلیب.
"قوزیی آخینی"نین یوروتوجو شیرکتی اولان " Nord Stream AG"-نین وئردیگی معلوماتلارا گؤره، 31 آوقوست - 2 سپتامبر تاریخلری آراسیندا بورو کمری ایله طبیعی گازین داشینماسی پلانلاشدیریلمیر.
خاطیرلاداق کی، "گازپروم"ون آوقوستون 19-دا وئردیگی آچیقلامادا "قوزیی آخینی" خطینده فعالیت گؤسترن تک کمپرسور بورومونده آپاریلان تعمیر ایشلری ایله علاقهدار آوقوستون 31-دن اعتباراً طبیعی گاز آخینینین اوچ گون مدتینه دایاندیریلاجاغی بیلدیریلیب.
کرملین سؤزچوسو دمیتری پسکوو اؤلکهسینه قارشی تحریم لره گؤره طبیعی گاز نقلینین دایاندیغینی، آوروپالی سیاستچیلرین آتدیغی آددیملار سببیندن وطنداشلارین کوللی میقداردا پول اؤدمهلی اولدوغونو بیلدیریب.
"گازپروم" شیرکتی تحریم لر سببیندن بورو کمرینده ایستیفاده ائدیلن موختلیف حیسهلرین تعمیر ایشلرینین مومکون اولا بیلمهیهجگینی اساس گتیرهرک، بورو کمری ایله گؤندریلن طبیعی گازین میقدارینی تخمینن 80 فایز دوشورموشدو.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.