ماکرون ایله زلنسکی آراسیندا تلفون دانیشیغی اولوب

فرانسا پرزیدنتی امانوئل ماکرون ایله اوکراینا‌لی همکاری ولادیمیر زلنسکی آراسیندا تلفون دانیشیغی اولوب.

امانوئل ماکرون  روسیا قوشون‌لاری‌نین اوکراینا‌داکی زاپوریژیا آتوم الکتریک سانترالیندان چیخارماغا چاغیریب.

بو باره‌ده چرشنبه آخشامی الیزه سارایی‌نین مطبوعات خیدمتی معلومات یاییب.

معلوماتدا قئید ائدیلیب کی، ماکرون زاپوریژیا آتوم الکتریک سانترالی ایله باغلی ناراحات‌لیغینی ایفاده ائدیب و سانترالین تهلوکه‌سیزلیگی اوچون روسیا عسگرلری‌نین بورا‌دان چیخاریلماسینی ایسته‌ییب.

صحبت زامانی دقت یئتیریلن مسئله‌لردن بیری ده اوکراینانین اودسا لیمانی واسیطه‌سیله تاخیل صادراتی اولوب.

ماکرون و زلنسکی‌نین احتیاجی اولان افریقایا تاخیل داشینماسینی آلقیشلادیق‌لاری قئید ائدیلیب.