آوروپا بیرلیگی روسیادان کؤمور وارداتینا سون قویوب
آوروپا بیرلیگینین روسیادان کؤمور وارداتینا قاداغا قویان قراری بو گون قوهیه مینیب.
آوروپا بیرلیگینین روسیادان کؤمور وارداتینا قاداغا قویان قراری بو گون قوهیه مینیب.
آوروپا بیرلیگی اؤلکهلرینین آوریل آییندا قبول ائتدیگی، روسیادان کؤمور وارداتینی قاداغان ائدن تحریم لر پاکتی کئچید دؤورونون سونا چاتماسی ایله قوهیه مینیب.
بئله کی، روسیا منشألی و یا روسیادان صادر ائدیلن، ایلده 8 میلیارد یورو دگرینده اولان کؤمور و دیگر برک قالیق یاناجاقلارین آلینماسی، وارداتی و یا آوروپا بیرلیگینه اؤتورولمهسی قاداغان ائدیلیب.
آوروپا بیرلیگی-نین روسیایا قارشی انرژی تحریم لریندن بیرینجیسی کؤمور آلیشینا قاداغا قویولماسی اولوب.
روسیادان نفت وارداتینا قویولان قاداغانین دسامبردا قوهیه مینهجگی گؤزلنیلیر.
روسیا آوروپا بیرلیگی اؤلکهلرینه ان چوخ کؤمور ساتان اؤلکه ایدی.
روسیا آوروپایا کؤمور صادراتینین تخمینن 25 فایزینی حیاتا کئچیریردی.
آوروپا بیرلیگی اؤلکهلری ایسه، کؤمور وارداتینین 45 فایزینی و الکتریک انرژیسی اوره تیمینده ایستیفاده اولونان ترمیک کؤمورون 70 فایزینی روسیادان تامین ائدیردی.
روسیا انرژی ناظیرلیگینین معلوماتینا گؤره، روسیا 2021-جی ایلده آوروپا بیرلیگینه 48،7 میلیون تون کؤمور ساتیب.