روسیانین بو اؤلکه‌لره گؤندردیگی گازین حجمی آزالیب

روسیانین بورو کمری ایله آوروپا بیرلیگینه عضو اؤلکه‌لره و بؤیوک بریتانیایا گؤندردیگی گازین حجمی جاری ایلین ایلک 7 آییندا اؤتن ایلین مووافیق دؤورو ایله موقاییسه‌ده تخمینن 40 فایز آزالیب.

امریکا انرژی اینفورماسیون ایداره سی‌نین (EIA) آچیقلاماسینا گؤره، روسیانین 2016-2020-جی ایللر آراسیندا بورو کمری ایله آوروپا بیرلیگی عضو‌لری و بؤیوک بریتانیایا گؤندردیگی گاز بو اؤلکه‌لرین عمومی طلباتی‌نین تخمینن اوچده بیری قدردیر.

روسیانین بورو کمری ایله آوروپا بیرلیگی عضو‌لرینه و بؤیوک بریتانیایا طبیعی گاز صادراتی بو ایلین ایلک 7 آییندا کئچن ایلین عینی دؤورو ایله موقاییسه‌ده تخمینن 40 فایز آزالا‌راق گونده‌لیک 1،2 میلیارد متر مکعبه دوشوب. بئله‌لیکله، گاز صادراتی سون 40 ایلین ان آشاغی سویه‌سینی تشکیل ائدیب.

آوروپا بیرلیگی عضو‌لری و بؤیوک بریتانیا طبیعی گاز بورو کمری واسیطه‌سیله روسیا‌دان صادراتین آزالماسینی عوض ائتمک اوچون امریکا-دان رکورد میقداردا مایع لشدیریلمیش طبیعی گاز (LNG) ساتین آلیر.