پلوسی: هله ده "تک چین" سیاستینی دستکله‌ییریک
"چین حکومتینین تایوانی تجرید ائتمه‌سینه ایجازه وئره‌بیلمریک"
آمریکا نماینده‌لر مجلیسی باشقانی نانسی پلوسی، چینین تایوانی تجرید ائتمه‌سینه "ایجازه وئریلمه‌یه‌جگینی" سؤیله‌دی.
نانسی پلوسی، گئچه‌ن هفته تایوانا سفرین‌ن سونرا ایلک دفعه ان‌بی‌سی‌نین جانلی یایینینا قاتیلدی.
تایوانا سفرینین آماجی ایله باغلی سوالا، اؤزگور بیر اؤلکه اولان تایوانا کیمین گئده‌جگینه باشقا اؤلکه‌لرین قاریشابیلمه‌یه‌جگینی سؤزلری ایله جاواب وئرن پلوسی،
"اونلارا (تایوان‌لیلارا) دونیا ساغلیق هؤرگوتونه گیرمه‌یه‌جکسینیز دئیه‌بیلرلر آنجاق تایوانا کیمین گئده‌جگینه قاریشابیلمزلر. چین حکومتینین تایوانی تجرید ائتمه‌سینه ایجازه وئره‌بیلمریک" دئدی.
آمریکانین چینله باغلی سیاستینده هئچ بیر دییشیکلیک اولمادیغینی قئید ائد‌ن نماینده‌لر مجلیسی باشقانی،
"سیاستیمیزی دییشدیرمک اوچون اورایا گئتمه‌دیک. هله ده "تک چین" سیاستینی دستکله‌ییریک. بوندا راحاتسیز ائدیجی هئچ نه یوخ ایدی" دئدی.
