"تورکیه وازگئچیلمز بیر اورتاق"
آلمانیانین خاریجی ایشلر باخانی آنالنا بربوک بو گون یونانیستانا، یارین ایسه تورکیه‌یه سفر ائده‌جک
آلمانیانین خاریجی ایشلر باخانی آنالنا بربوک، تورکیه‌نین وازگئچیلمز اورتاق اولدوغونو سؤیله‌دی.
آنالنا بربوک بو گون یونانیستانا، یارین ایسه تورکیه‌یه ائده‌جگی سفریندن اؤنجه یازیلی آچیقلاما وئردی.
سون دؤنمده ناتو متفیقلری ایله آوروپالی اورتاقلار آراسینداکی بیرلیگین هر زامانکیندن داها اؤنملی اولدوغونو بیلدیره‌ن بربوک، بو ندنله یونانیستان و تورکیه سفرلرینی اؤزللیکله ایندی گئرچکلشدیردیگینی سؤیله‌دی.
بربوک، تورکیه سفرلری زامانی آغ دنیزینین گوونلیگینین اؤنملی گوندم ماده‌لرین‌دن بیری اولاجاغینی قید ائتدی.
"تورکیه بیزیم اوچون وازگئچیلمز اورتاقدیر و باشقا هئچ بیر اؤلکه ایله اولمادیغی قدر بیزیمکی ایله باغلی اولان بیر اؤلکه‌دیر. میلیونلاجا اینسانین اوره‌گی اؤلکه‌لریمیز اوچون دؤیونور" ایفاده‌سینی ایشلتدی.
آلمانیالی باخان ۸-۱۰ ژوئن تاریخلرین‌ده یونانیستان و تورکیه‌یه سفر ائتمه‌گی پلانلاشدیرمیشدی انجاق داها اؤنجه گئتدیگی پاکیستان‌دا کووید-۱۹ تستینین مثبت چیخماسین‌دان سونرا بو سفرلری ائرته‌له‌میشدی.
