اینگیلترهنین تهران ائلچیسی: یاردیمچیم ایراندان تخمیناً ۸ آی اؤنجه آیریلدی
"ائلچی یاردیمچیمیزین حاضردا گؤزآلتیندا اولدوغونا دایر خبرلر چوخ ماراقلیدیر. او، دسامبر آییندا وظیفهسینین سونا چاتماسی ایله ایرانی ترک ائتمیشدی"
اینگیلتره خاریجی ایشلر باخانلیغینین، تهرانداکی ائلچی یاردیمچیسی جیلس ویتاکرین گؤزآلتینا آلیندیغینا دایر خبرلرین تامامیله اساسسیز اولدوغونو آچیقلادیقدان سونرا، ائلچیسی سایمون شرکلیف ده توئیتر حسابیندان بیر اچیقلاما وئردی.
اینگیلترهنین تهرانداکی ائلچیسی سایمون شرکلیف ده توئیتر حسابیندان، یاردیمچیسی جیلس ویتاکرین ایراندان تخمیناً ۸ آی اؤنجه آیریلدیغینی بیلدیررک، گؤزآلتینا آلیندیغی خبرلرینین حقیقتی عکس ائتدیرمهدیگینی ایفاده ائتدی.
ائلچی شرکلیف،
"ائلچی یاردیمچیمیزین حاضردا گؤزآلتیندا اولدوغونا دایر خبرلر چوخ ماراقلیدیر. او، دسامبر آییندا وظیفهسینین سونا چاتماسی ایله ایرانی ترک ائتمیشدی" ایفادهلرینی ایشلتدی.
تسنیم خبر آژانسی، وایتاکرله بانینداکی بیر نئچه دیپلماتین، کرمان ایالتیندهکی شهداد دوُز چؤلونده موشک سیناقلارینین ائدیلدیگی بیلدیریلن قاداغان اولونموش بؤلگهده تورپاق نومونهسی آلدیقلارینین معین ائدیلمهسیندن سونرا سپاه اوردوسو طرفیندن گؤزآلتینا آلیندیغینی آچیقلامیشدی.