آمریکادا سلاحلی سالدیری

آمریکانین ایلینوی ایالتینده ۴ جولای باغیمسیزلیق گونو قوتلامالاری سیراسیندا سلاحلی سالدیری نتیجه‌سینده ۶ نفر اؤلدو، ۲۴ نفر یارالاندی.

های‌لند پارک مودورو لوو جاگمن، موستقیل‌لیک گونو اوچون تشکیل ائدیلن گئچید تؤره‌نینده ائدیلن سلاحلی سالدیریدا ۶ نفرین حیاتینی ایتیردیگینی، ۲۴ یارالینین ایسه خسته‌خانایا آپاریلدیغینی آچیقلادی.

جاگمن، مئدیایا وئردیگی آچیقلامادا، شبهه‌لینین کیملیگی معین ائدیلدیکدن سونرا پلیسین باشلاتدیغی آختارمالار نتیجه‌سینده یاخالاندیغینی بیلدیردی.

بونا گؤره، پلیسین، حادثه یئرینین تخمیناً ۸ کیلومتر قوزئیینده اتومبیلینی دوردورماغا چالیشدیغی شبهه‌لی، ۲۲ یاشلی آغ‌دریلی آمریکالی گنج، قیسا بیر تعقیبدن سونرا گؤزآلتینا آلیندی.