سوئد باشباخانی: تورکیه ایله ائدیلن آنلاشمایا عمل ائده‌‌جه‌ییک

سوئد باشباخانی ماگدالنا اندرسون، تورکیه ایله ائدیلن آنلاشمایا و تئروریستلرین قایتاریلماسینا دایر سؤزلشمه‌یه عمل ائده‌‌جکلرینی بیلدیردی.

ماگدالنا اندرسون، آلمدالن سیاست فوروموندا وئردیگی آچیقلامادا، سؤزوگئدن آنلاشما‌نین مضمونو ایله باغلی بیلگی وئرمه‌یه‌جگینی بیلدیررک،

"تورکیه ایله ائدیلن آنلاشمایا و قایتارمالارلا باغلی سؤزلشمه‌یه عمل ائده‌جییک" دئدی.

ترور فعالیتلرینه قاریشمایانلارین قایغیلانماماسینی دئیه‌ن اندرسون، "سوئد وطنداشی اولانلار اولوسال و اولوسلارآراسی حقوقا گؤره قایتاریلمایاجاق. اگر ترور فعالیتلرینه قاتیلمامیشسانیز قایغیلانمایین" ایفاده‌لرینی ایشلتدی.

اندرسون، سوئد و فنلاندین ناتویا عضولوک سۆره‌جلری حاقیندا تورکیه ایله گئچن هفته اسپانیاداکی ناتو لیدئرلر ذیروه‌سی اؤنجه‌سی ایمضالانان اوچلو مموراندوم‌دا، تورکیه‌یه بؤیوک امتیازلار وئردیگی و سرت تنقیدلره معروض قالدیغی قونوسونداکی سواللارا جاواب وئرمه‌دی.