جانسون اینگیلتره-ده‌کی اعتصابی "دهشت‌لی بیر دوشونجه" اولاراق دیرلندیریب

اینگیلتره-‌نین باش ناظیری بوریس جانسون سون 30 ایلده دمیر یولو و مترو ایشچی‌لری‌نین ان بؤیوک اعتصابی‌نین "گرک‌سیز" و "دهشت‌لی بیر دوشونجه" اولدوغونو دئیه‌رک، امک حاق‌لاری‌نین آرتیریلماسی ایله باغلی راضیلاشمایا چاغیریب.

بوریس جانسون میللت وکیل لر بیرلیگی حکومت باشچی‌لاری ییغینجاغی (CHOGM) سببیله سفرده اولدوغو رواندانین پایتاختی کیگالی-ده اینگیلتره داخیلینده دمیر یولو، دنیزچی‌لیک و نقلیات (RMT) سندیکاسینین باشلاتدیغی اعتصابا توخونوب.

جانسون "دوشونورم کی، بو اعتصاب لارین لازیم‌سیز اولدوغونو خاطیرلاماق واجیب‌دیر. منجه اینسان‌لار بونو ماسا اطرافیندا حل ائتمه‌لی‌دیرلر. اعتصاب قرارلاری دهشت‌لی دوشونجه‌دیر".

جانسون سندیکالار ایله دمیریول ایداره‌سینی امک حاقی‌نین آرتیریلماسی ایله باغلی راضیلیغا گلمه‌یه چاغیریب.

قئید ائدک کی، اینگیلتره-‌ده نقلیاتدا جدی پروبلئم‌لر یارا‌دان دمیریول‌لاری، دنیزچی‌لیک و نقلیات (RMT) بیرلیگی‌نین اعتصابی دونن ایکینجی گونونده ده داوام ائدیب.

سندیکا آرتان تورم قارشی سیندا 7 فایز آرتیم ایسته‌سه ده، حکومت 3 فایز تکلیف ائدیر.

پاییزدا اؤلکه‌ده تورم‌ون 11 فایزه چاتاجاغی گؤزله‌نیلیر.

سون 30 ایلین ان بویوک اعتصابی ساییلان اعتصابین 21-23 و 25 ژوئن تاریخ‌لرینده کئچیریله‌جگی آچیقلانیب.