زلنسکی‌نین آوروپا لیدرلری ایله گؤروشو باشلاییب

کیئوده اوکراینا پرزیدنتی ولودیمیر زلنسکی‌نین فرانسا پرزیدنتی امانوئل ماکرون، آلمانیا باش ناظیری اولاف شولتس، ایتالیانین باش ناظیری ماریو دراگی و رومینیا پرزیدنتی کلاوس یوهانس ایله گؤروشو باشلاییب.

آوروپا لیدرلری سحر ساعات‌لاریندا کیئوه سفر ائدیب.

لیدرلرین گؤروشونون باغلی قاپی‌لار آرخاسیندا کئچیریله‌جگی بیلدیریلیب.

متخصص‌لر گؤروش زامانی ارزاق تهلوکه‌سیزلیگی، اوکراینا ایله روسیا آراسیندا دانیشیق‌لار پروسه‌سی‌نین برپاسی و دیگر مسئله‌لرین موذاکیره اولوناجاغینی قئید ائدیب‌لر.