اوهایودا اؤیرتمنلر یانلاریندا سلاح داشییابیلهجک
یئنی یاسا، ایلک،اورتا و سون اوخوللاردا چالیشان اؤیرتمنلره ۲۴ ساعاتدان چوخ اولمایان تعلیم مدتیندن سونرا سلاح داشیما ایجازهسی وئریر
آمریکانین اوهایو ایالتینده اؤیرتمنلره ۲۴ ساعاتلیق قیسا مشقدن سونرا اوخوللاردا سلاح داشیما ایجازهسی وئرهن قانون قوهیه میندی.
اوهایو ایالتی مجلیسینده قبول ائدیلهن قانون لایحهسی، والی مایک دواین طرفیندن ایمضالاندی.
دواین، یئرلی بیر رادیودا وئردیگی آچیقلامادا، اوخوللاردا آرتان سلاحلی سالدیریلارا قارشی تدبیرلر گؤرولمهسی لازیم اولدوغونو بیلدیردی.
"اوخولدا بیر پلیس مأمورونون اولماسی ان یاخشیسیدیر، آنجاق هر اوخولون بونا ایمکانی اولمایابیلر" دئدی.
اوهایو اؤیرتمنلر فدراسیونو و اوهایو تحصیل درنگی ایسه وئردیکلری اورتاق آچیقلامادا، بو قانون ایله یئترلی تعلیم اولمادان اوخوللارا سلاح گتیریلهجگینی و اؤیرنجیلرین داها آز امنیتده اولاجاغینی بیلدیررک، یاسا اوچون "تهلوکهلی و مسئولیتسیزجه" دئدی.
یئنی یاسا، ایلک،اورتا و سون اوخوللاردا چالیشان اؤیرتمنلره ۲۴ ساعاتدان چوخ اولمایان تعلیم مدتیندن سونرا سلاح داشیما ایجازهسی وئریر.
آمریکانین ۲۸ ایالتینده، اوخول یؤنتیمینین بیلگیسی و اونایی حالیندا، رخصتی اولان اؤیرتمنلرین سلاحلارینی گیزلی شکیلده اوخولا آپارمالارینا ایجازه وئریلیر.
ایلگیلیلی خبرلر
کنیسهنی یاندیرماغا چالیشان شخص اؤلدورولدو
فرانسادا پلیس، بیر کنیسهنی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقینلاردا 290-دان چوخ اینسان اؤلوب
کنیا-دا داشقینلاردا اؤلنلرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.