بایدن: سیغینماچی آخینینین سوروملوسو پوتیندیر
"کۆرهسل تورم باسقیلاری پوتینین اوکراینایا قارشی باشلاتدیغی ظالیمجا ساواشلا داها دا پیسلشدی"
آمریکا پرزیدنتی جو بایدن اؤلکهسینه سیغینماچی آخینینین آرتماسینین سببینین روسیا دؤولت باشقانی ولادیمیر پوتینین ۲۴ فوریهده اوکراینایا قارشی باشلاتدیغی ساواش نتیجهسینده پیسلشهن کۆرهسل اقتصاد اولدوغونو سؤیلهدی.
بایدن، لوس آنجلسده گئچیریلهن آمریکا ذیروهسینین رسمی آچیلیش مراسیمینده قوزئی و گونئی آمریکا اؤلکهلرینین لیدئرلرینه سسلندی.
دموکراسینین، گلیشمهنین ان اؤنملی فاکتورو اولدوغونو وورغولایان بایدن، دموکراسینین اؤلکهلر آراسیندا امکداشلیقلا دستکلهنمهلی اولدوغونو وورغولادی.
آمریکایا، اؤزللیکله ده اورتا و گونئی آمریکا اؤلکهلریندن سیغینماچی آخینینا دا توخونان بایدن،
"کۆرهسل تورم باسقیلاری پوتینین اوکراینایا قارشی باشلاتدیغی ظالیمجا ساواشلا داها دا پیسلشدی. عائلهلرین احتیاجلارینی قارشیلاماسی داها دا چتینلشدی. بوتون بو عامللر باتی یاریمکۆرهده سیغینماچی آخینینا سبب اولور" دئدی.
بایدن، آمریکا قارهسی اؤلکهلری ایله یئنی بیر اقتصادی اورتاقلیق قورولدوغونو و بونون دا اقتصادین یوکسلمهسینه کؤمک ائدجگینی بیلدیردی.
ایلگیلیلی خبرلر
اندونزیا-دا داشقینلار 41 نفرین اؤلومونه سبب اولوب
اندونزیانین باتی سیندا لئیسان یاغیشلارین سبب اولدوغو داشقینلار 41 نفرین اؤلومونه سبب اولوب.
گزینتییه گئدن ۵ اوشاق بوغولاراق حیاتینی ایتیردی
الجزیرده، اوخول گزینتیسی سیراسیندا بیر ساحلده دنیزه گیرهن ۵ اوشاق بوغولاراق حیاتینی ایتیردی