روسیا هوللاندیایا گاز ساتیشینی دایاندیریر

هوللاندیانین دؤولت گاز شیرکتی "گازترا" بیان ائدیب کی، روسیانین "گازپروم" شیرکتی 31 می تاریخیندن اعتباراً هوللاندیایا طبیعی گاز تداروکونو روبل ایله اؤدمک‌دن ایمتینا ائتدیگی اوچون دایان‌دیرا‌جاق.

"گازتررا"نین وئردیگی آچیقلامادا روسیانین آوروپا بیرلیگینه عضو اولان اؤلکه‌لرین " گازپرومبانک"دان یورو و روبل امانت حسابی آچا‌راق طبیعی گاز اؤدمه‌لرینی طلب ائتدیگی قرار خاطیرلادیلیب.

آچیقلامادا "گازترا"نین سؤزوگئدن قرارا اویغون اولا‌راق اؤدنیش‌لری قبول ائتمه‌دیگی بیلدیریلیب:

"بو شکیلده اؤدمک اؤزو ایله بیرلیکده مالیه و عملیات ریسک‌لری ایله یاناشی، آوروپا بیرلیگی تحریم لرینی پوزما ریسکینی ده داشیییر. روسیا قانون‌لارینا اساساً مسکوادا امانت حسابی آچماق و بو حسابین روسیا رژیمی‌نین نظارتینده اولماسی شیرکتیمیز اوچون داها جدی ریسک‌دیر. بو شکیلده اؤدمک‌دن ایمتینا ائتمییمیزه جاواب اولا‌راق "گازپروم" می‌ین 31-دن طبیعی گازین وئریلیشینی دایاندیراجاغینی آچیقلاییب".

آچیقلامادا وورغولانیب کی "گازپروم"ون حاضیرکی موقاویله مدتی‌نین بیتدیگی 31 می-1 اوکتبر تاریخ‌لری آراسیندا تداروکونو دایاندیرماسی 2 میلیارد متر مکعب طبیعی گازین آلینمایاجاغی معناسی داشیییر.

آچیقلامادا "گازترا"نین بو مسئله‌نی اون گوردوگونو قئید ائدیلن آچیقلامادا "آوروپا گاز بازاری یوکسک انتگراسیون و گئنیش‌دیر. بونونلا بئله، 2 میلیارد متر مکعب گاز تداروکونون ایتکی‌سی‌نین تداروکه نئجه تأثیر ائدجگینی و بونون آوروپایا نئجه تأثیر گؤسترجگینی پروقنوزلاش‌دیرماق مومکون دئییل. "گازترا" دفعه‌لرله "گازپرومو" موقاویله اساسیندا قبول ائدیلن اؤدنیش پلانینا و تداروک عهده ‌لیک‌لرینه عمل ائتمه‌یه چاغیریب، لاکین نتیجه الده ائدیلمه‌ییب" ایفاده‌لری یئر آلیب.