قوزئی کره‌ده ایلک دفعه کووید-۱۹ خسته‌لیگی گؤرولدو
رسمی کره مرکزی خبر آژانسینین خبرین‌ده، باشکند پیونگ‌یانگ‌داکی خسته‌لردن آلینان نومونه‌لرده کووید-۱۹ گؤرولدوگو آچیقلاندی
۲ ایلده‌ن چوخدور بوتون دونیادا ائتکیلی اولان یئنی نسیل کوروناویروس (کووید-۱۹) سالقینینین اؤلکه‌ده یاییلمادیغینی ادعا ائد‌ن قوزئی کره‌ده ایلک دفعه اولاراق خسته‌لیک گؤرولدوگو بیلدیریلدی.
رسمی کره مرکزی خبر آژانسینین خبرین‌ده، باشکند پیونگ‌یانگ‌داکی خسته‌لردن آلینان نومونه‌لرده کووید-۱۹گؤرولدوگو آچیقلاندی.
خبرده، نئچه خسته‌نین گؤرولدوگو آچیقلانماسا دا، خسته‌لرین اومیکرونون "ب‌آ.۲" اولاراق بیلینن آلت واریانتی اولدوغو ایفاده ائدیلدی.
اؤلکه‌ده "عاجل وضعیت" اعلان ائدیلرکن، آرالاریندا قوزئی کره لیدئری کیم جونگ اونون دا اولدوغو یوکسک سویه‌لی مقاملارین سالقین دورومونو دانیشماق اوچون تشکیل ائتدیکلری توپلانتیدا، ان یوکسک سویه‌ده عاجل سالقین اؤنله‌مه سیستمینین تطبیقی قراری وئریلدیگی بیلدیریلدی.
کیم، سالقینین یاییلماسینین اؤنله‌مک اوچون اؤلکه‌نین بوتون ایالت و ولایتلرینده «کۆچه‌یه چیخما یاساغی» تطبیق ائدیلمه‌سینی ایسته‌دی.
سالقینین آرادان قالدیریلاجاغینی وورغولایان کیم، ساغلیق چالیشانلارینی ایشلرینی سرعتله‌ندیرمه‌یه، سالقینا قارشی قارشی بوتون طبی تجهیزاتدان ایستیفاده ائتمه‌یه چاغیردی.
