حبس‌خانادا عصیان: ان آز ۴۳ توتوقلو اؤلدو
"عصیانین سون ساعاتلاریندا ۱۰۰دن چوخ توتوقلونون حبس‌خانادا اولمادیغی اورتایا چیخدی
اکوادوردا حبس‌خانادا عصیان و چاتیشمالار سیراسیندا ۴۳ توتوقلو اؤلدورولدو، ۱۰۰دن چوخ توتوقلو قاچدی.
سانتو دومینگو د لوس تساچیلاس شهرین‌ده‌کی بلاویستا حبس‌خاناسین‌دا دونن سحر ساعاتلاریندا باشلایان اغتشاش و چاتیشمالار سیراسیندا بیر چوخ توتوقلونون حبس‌خانادان قاچدیغی معین ائدیلدی.
ساوچیلیق توئیتر حسابیندان یاییملادیغی آچیقلامادا،
"ایندیه دک اؤلن ۴۳ توتوقلو وار، آراشدیرمالار داوام ائدیر. عصیانین سون ساعاتلاریندا ۱۰۰دن چوخ توتوقلونون حبس‌خانادا اولمادیغی اورتایا چیخدی" ایفاده‌سینه یئر وئردی.
ایچ ایشلری باخانی پاتریسیو کاستیللو گوونلیک گوجلرینین تدبیرلری سایه‌سینده ۱۱۲ توتوقلونون قاچماسینین قارشیسینین آلیندیغینی، قاچانلارین توتولماسی اوچون چالیشما باشلادیلدیغینی بیلدیردی.
حبس‌خاناداکی عصیانین تامامیله کنترل آلتینا آلیندیغینی وورغولایان کاستیللو، آپاریلان گئنیش آختارمالار نتیجه‌سینده سلوللاردا سلاح و کسیجی آلتلرین اله گئچیریلدیگینی قید ائتدی.
اکوادوردا ۳۰ مین توتوملو ۶۵ حبس‌خانادا تخمیناً ۳۹ مین توتوقلو وار. چته‌لر آراسیندا باش وئره‌ن حادثه‌لر بعضاً اؤلومله نتیجه‌لنه‌ن عصیانلارلا نتیجه‌لنیر.
اؤتن ایلده‌ن بری اؤلکه‌ده رقیب چته‌لر آراسیندا باش وئره‌ن اولایلاردا ۴۰۰دن چوخ توتوقلو حیاتینی ایتیرمیشدی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
