جانسونون هیندیستاندا چکدیردیگی شکیللر تپکی چکدی
"هیند مقاملاری هر گون اینسان حاقلارینا محدودلاشدیرمالار گتیررکه‌ن، اینگیلیس حکومتی سسسیز بیر ایزله‌ییچی اولماغا سون وئرمه‌لی"
اینگیلتره باشباخانی بوریس جانسونون هیندیستان سفری سیراسیندا مسلمانلارا عاید دوکانلاری ییخماقدا ایستیفاده ائدیله‌ن بولدوزرلری اورتن فابریکانی گزیب بیر بولدوزرده شکیل چکدیرمه‌سی تپکیلره سبب اولدو.
جانسون، محافظه‌کار پارتییه میلیونلارجا استرلینگ باغیشلایان آنتونی بامفورد طرفیندن تشکیل ائدیله‌ن تورلا گوجرات ایالتینده جی‌سی‌بی فابریکاسینا آپاریلدی. اینگیلیس باشباخان، بورادا بیر بولدوزره مینه‌رک ژورنالیستلره پوز وئردی.
جانسونون هم محافظه‌کار پارتی باغیشچی‌سینین باشقانی اولدوغو بیر شیرکته گئتمه‌سی هم ده مسلمانلارا عاید دوکانلاری داغیتمالاردا ایستیفاده ائدیله‌ن بیر جی‌سی‌بی بولدوزرینده شکیل چکدیرمه‌سی تنقیده یول آچدی.
اولوسلارآراسی عفو تشکیلاتی هیندیستان بیریمیندن وئریله‌ن آچیقلامادا، دهلی بلدیه‌سینه عاید بیر شیرکتین دونن جهانگیرپوری بؤلگه‌سینده‌کی مسلمانلارین دوکانلارینی یئرله بیر ائتمک اوچون جی‌سی‌بی بولدوزرلرینی ایستیفاده ائتمه‌سی دقته آلیندیغیندا، اینگیلتره باشباخانینین گوجرات‌دا بیر جی‌سی‌بی فابریکاسینین آچیلیشینا قاتیلماسینین یالنیز جاهیلجه اولماقلا قالمادیغی، عینی زامان‌دا جانسونون حادثه‌لر قارشی‌سینداکی سسسیزلیگینین "کار ائدیجی" اولدوغو ایفاده ائدیلدی. آچیقلامادا،
"هیند مقاملاری هر گون اینسان حاقلارینا محدودلاشدیرمالار گتیررکه‌ن، اینگیلیس حکومتی سسسیز بیر ایزله‌ییچی اولماغا سون وئرمه‌لی" دئییلدی.
