روس آشی‌سی‌نین دگرلندیرمه پروسه‌سی دایاندیریلیب
بو باره‌ده دونیا ساغلیق تشکیلاتی‌نین باش دیرئکتورونون کؤمکچی‌سی ماریانجلا سیمائو کئچیردیگی بریفینقده بیلدیریب.
دونیا ساغلیق تشکیلاتی روسیانین یئنی نوع کوروناویروس (کووید-19) علیهینه حاضیرلادیغی "اسپوتنیک وی" آشی‌سی‌نین قیمتلندیریلمه‌سی پروسه‌سی‌نین روسیا-اوکراینا ساواشی سببیندن گئجیکدیگینی بیلدیریب.
بو باره‌ده دونیا ساغلیق تشکیلاتی‌نین باش دیرئکتورونون کؤمکچی‌سی ماریانجلا سیمائو کئچیردیگی بریفینقده بیلدیریب.
"بلی، بیز مارسین 7-ده روسیایا گئدیب یوخلاما آپارما‌لی ایدیک. اما بو یوخلاما‌لار داها سونرایا تاخیره سالینیب"، - سیماو دئییب.
اونون سؤزلرینه گؤره، روسیا آشی‌سی‌نین قیمتلندیریلمه‌سی، ائله‌جه ده اوره تیم موسسه‌سینده یوخلاما‌لار اوکراینا-داکی وضعیت، هابئله تحریم لرله محدودلاش‌دیریلان سیاحت و مالیه سئچیم‌لری، او جمله‌دن کرئدیت کارتی‌نین ایشلمه‌سی و دیگر تکنیکی مسئله‌لره گؤره مومکون‌سوزدور.
دوکتور ماریانجلا سیمائو "قیمتلندیرمه سفری اوچون یئنی تاریخ ان قیسا زاماندا تعیین اولونا‌جاق" دئییب.
خاطیرلاداق کی، دونیا ساغلیق تشکیلاتی کئچن ایل "اسپوتنیک وی" آشی‌سی‌نین عاجیل ایستیفاده‌سینی تصدیقله‌مگی نظردن کئچیردیک‌لرینی آچیقلامیشدی.
عاجیل ایستیفاده اوچون تصدیق اولونارسا، "اسپوتنیک وی" اورتا و آشاغی گلیرلی اؤلکه‌لری آشی ایله تامین ائتمک مقصدی داشییان کوواکس پروقرامینا داخیل ائدیله‌جک.
