دونیادا "کووید-19"دان اؤلن‌لرین سایی 6 میلیونو کئچیب

دونیادا "کووید-19" انفکسیونو سببیندن اؤلن‌لرین سایی 6 میلیون نفری اؤتوب.
پاندمی‌نین ایستاتیستیکرینی آپاران "Worldometer" سایتی یازیر کی، یولوخان‌لارین عمومی سایی 442 میلیونا، اؤلن‌لرین سایی ایسه 6 میلیون 20 مین نفره چاتیب. همچنین 374 میلیون 925-دن چوخ اینسان کووید-19 انفکسیونوندان ساغالیب.
امریکا " کووید-19" انفکسیونونا هم یولوخان‌لارین، هم ده اؤلن‌لرین سایینا گؤره دونیادا بیرینجی‌دیر. اؤلکه‌ده کوروناویروسا 81 میلیون‌دان چوخ اینسان یولوخوب، اونلاردان 984 مین 20 نفری حیاتینی ایتیریب.
  یولوخان‌لارین سایینا گؤره امریکادان سونرا آردیجیل‌لیقلا برزیلیا (652 مین 207)، هیندوستان (515 مین 133)، روسیا (356 مین 281)، مکزیکا (319 مین 859)، پرو (211 مین 108)، اینگیلتره (162 مین 8)، ایتالیا (155 مین 887)، اندونزیا (150 مین 172)، فرانسا (139 مین 275)، کلمبیا (139 مین 91) و ایران (137 مین 948) گلیر. 
  ویروس سببیندن اؤلن‌لرین سایی 6 میلیون 20 مین 582-یه یوکسلیب.
  دونیادا 446 میلیون 721 مین 728 یولوخما تثپیت ائدیلیب، 379 میلیون 869 مین 871 آدام ساغالیب. 60 میلیون 831 مین 275 خسته‌نین معالیجه‌سی داوام ائدیر. 
  قئید ائدک کی، ایلک دفعه 2019-جو ایل دسامبر آیی‌نین سون‌لاریندا چین-ین مرکزی حیسه‌سینده یئرلشن هوبه ایالتی‌نین ووهان شهرینده قئیده آلینان "کووید-19" انفکسیونو قیسا مدت عرضینده بوتون دونیایا یاییلیب. 2020-جی ایل مارسین 11-ده دونیا ساغلیق تشکیلاتی یئنی کوروناویروسون یاییلماسینی پاندمی اعلان ائدیب.