بلینکن گ7 اؤلکه‌لری‌نین و اوکراینانین خاریجی ایشلر ناظیرلری ایله گؤروشوب
امریکانین خاریجی ایشلر ناظیری آنتونی بلینکن گ7-نین خاریجی ایشلر ناظیرلری و اوکراینانین خاریجی ایشلر ناظیری دمیترو کولبا ایله تلفون دانیشیغی کئچیره‌رک روسیانین اوکراینایا هوجومونو موذاکیره ائدیب.
امریکانین خاریجی ایشلر ناظیری آنتونی بلینکن گ7-نین خاریجی ایشلر ناظیرلری و اوکراینانین خاریجی ایشلر ناظیری دمیترو کولبا ایله تلفون دانیشیغی کئچیره‌رک روسیانین اوکراینایا هوجومونو موذاکیره ائدیب.
امریکا خاریجی ایشلر ناظیرلیگی‌نین سؤزچوسو ند پرایس وئردیگی یازیلی آچیقلامادا بلینکن‌ین گ7-یه عضو اولان کانادا، فرانسا، آلمانیا، ایتالیا، ژاپونیا و اینگیلتره-نین خاریجی ایشلر ناظیرلری و آوروپا بیرلیگی‌نین عالی نوماینده‌سی ایله تلفون دانیشیغی آپاردیغینی، اوکراینا خاریجی ایشلر ناظیری کولبانین دا گؤروشده ایشتیراک ائتدیگینی بیلدیریب.
تلفون دانیشیغیندا روسیانین اوکراینایا قارشی “قصداً دوشونولموش، اساس‌سیز و گرک‌سیز هوجوم‌لاری”نین موذاکیره ائدیلدیگینه دقت چکن پرایس “بلینکن و گ7-ده‌کی همکارلاری روسیانین ایشغالینا بیرگه جاواب وئره‌جک‌لرینی کولبایا بیلدیردی‌لر” دئییب.
امریکا و گ7 طرفداش‌لاری‌نین اوکراینا خالقینی دستکلدیگینی و روسیایا قارشی سرت تحریم لر تطبیق ائتدیگینی وورغولایان پرایس "اوکراینا خالقی‌نین یانینداییق و اونلارین جسارتینی و قهرمان‌لیغینی گؤروروک" ایفاده‌سینی ایشلدیب.
