آوسترالیا، ژاپونیا و کانادانین روسیایا تحریم قرارلاری
آوسترالیا روسیا تهلوکه‌سیزلیک شوراسی‌نین 8 عضوو و بعضی قوروم‌لارا قارشی تحریم تطبیق ائتمک قرارینا گلیب.
آوسترالیا، ژاپونیا و کانادانین روسیایا تحریم قرارلاری
آوسترالیا روسیا تهلوکه‌سیزلیک شوراسی‌نین 8 عضوو و بعضی قوروم‌لارا قارشی تحریم تطبیق ائتمک قرارینا گلیب.
آوسترالیانین باش ناظیری اسکات موریسون اوکراینانین دوغوسوندا روسیا طرفداری بولوجولرین قوندارما رهبرلیگی‌نین رسمن تانییان روسیایا قارشی تطبیق اولونا‌جاق تحریم لرین موذاکیره ائدیلدیگی میللی تهلوکه‌سیزلیک شوراسی‌نین ایجلاسیندان سونرا قبول ائدیلن قرارلارلا باغلی آچیقلاما وئریب.
موریسون بیلدیریب کی، اؤلکه‌سی روسیا میللی تهلوکه‌سیزلیک شوراسی‌نین 8 عضوونه سیاحت قاداغاسی و مالیه تحریم لری تطبیق ائده‌جک.
"روسیانین اوکراینانی ایشغا‌لی‌نین فعال اولا‌راق باشلادیغینی" قئید ائدن موریسون روسیا دؤولت بانکی و دیگر علاقه‌لی بانک‌لارا دا تحریم لرین تطبیق ائدیله‌جگینی بیلدیریب.
موریسون قئید ائدیب کی، داها گئنیش تحریم لر اوکراینانین بولوجو دونتسک و لوگانسک بؤلگه‌لرینده تله کومونیکاسیون، نفت، گاز دا داخیل اولماقلا بیر چوخ سئکتورلاردا سرمایه چیخیشی اولان قوروم‌لارا شامیل ائدیله‌جک.
روسیانین اوکراینانین دوغوسونداکی روسیا طرفداری بولوجولرین رهبرلیک لری رسمی اولا‌راق تانیماق قراریندان سونرا ژاپونیا بیر سیرا اقتصادی تحریم لر ایله باغلی قرارلار قبول ائدیب.
باش ناظیر فومیو کیشیدا کئچیردیگی مطبوعات کنفرانسیندا قوندارما ایداری بؤلگه‌لردن اولان رسمی مامورلارا ویزا‌لارین وئریلمه‌سی‌نین دایاندیریلاجاغینی و اونلارین آکتیو‌لری‌نین دوندورولاجاغینی آچیقلاییب.
کیشیدا علاوه ائدیب کی، بو بؤلگه‌لره واردات و صادرات دایان‌یریلا‌جاق، یئنی روسیا استقراض لارینین ژاپونیا داخیلینده تیجارتی قاداغان ائدیله‌جک.
روسیانین "اوکراینانین اراضی بوتؤو‌لوگونو و اولوسلار آراسی حقوقو پوزان حرکت‌لرینی" بیر داها " قینادیغینی" بیلدیرن کیشیدا “روسیانی دالانا دیرنمیش وضعیت‌دن دیپلوماتیک تجروبه‌لر واسیطه‌سیله حل ائتمک سعی‌لرینه قاییتماغا چاغیریریق” ایفاده‌لردن ایستیفاده ائتمیش‌دیر.
کانادا دا اوکراینانین دوغوسونداکی بولوجولرین قوندارما یونه تیملرینی تانیماق و بؤلگه‌یه قوشون گؤندرمک قرارینا جاواب اولا‌راق روسیایا قارشی یئنی تحریم لر تطبیق ائتدیگینی آچیقلاییب.
کانادانین باش ناظیری جاستین ترودو کئچیردیگی مطبوعات کنفرانسیندا بیلدیریب کی، اقتصادی تحریم لرین ایلک مرحله‌سینده کانادا‌لی‌لارا روسیا پرزیدنتی ولادیمیر پوتین طرفیندن تانینان بولوجو بؤلگه‌لرله بوتون مالیه راضیلاشما‌لاری قاداغان ائدیله‌جک.
او، همچنین قئید ائدیب کی، تحریم لر روسیا پارلامئنتی‌نین بولوجو زونا‌لاری تانیماغا سس وئرن عضو‌لرینی ده هدف آلا‌جاق و کانادا‌لی‌لارا روسیا دؤولت استقراض لارینی آلماغی قاداغان ائده‌جک.
“روسیانین تخریبات‌لاری دونیادا تهلوکه‌سیزلیگه و باریشا تهدیددیر” دئین ترودو بیلدیریب کی، کانادا "روسیانین تجاووزو" قارشی‌سیندا ناتو-یا دستک وئرمک اوچون لتونیا و اطراف بولگه لردن علاوه 460-ا قدر کانادا سلاح‌لی قوه‌لری عضوونو گؤندریب.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
