جو بایدن ایله بوریس جانسون آراسیندا تلفون دانیشیغی اولوب
جو بایدن و بوریس جانسون اوکراینا مسئله سینی موذاکیره ائدیبلر.
امریکا پرزیدنتی جو بایدن واینگیلتره باش ناظیری بوریس جانسون آراسیندا تلفون دانیشیغی اولوب.
بو بارده اینگیلتره ناظیرلر کابینهسینین مطبوعات خیدمتیندن وئریلن معلوماتدا بیلدیریلیب. معلوماتا گؤره، طرفلر اوکراینا مسئله سینی موذاکیره ائدیبلر. امریکا پرزیدنتی و اینگیلتره باش ناظیری هله ده دیپلوماتیک اوچون "پنجره"نین اولدوغونو بیلدیریبلر. لیدئرلر اوکراینا مسئلهسینی ایله باغلی دیگر اؤلکه لرین لیدئرلری ایله آپاردیقلاری سون دانیشیقلار بارده بیر-بیرینی معلوماتلاندیریبلار. جو بایدن و بوریس جانسون همچنین وورغولاییبلار کی، "اوکراینایا ایستنیلن ایشغال روسیا اوچون اوزون موددتلی بحرانا گتیریب چیخاراجاق.
لیدئرلر بیلدیریبلر کی، روسیا گرگینلیگین سویه سینی آرتیرارسا بو اؤلکهیه قارشی تحریم پاکئتی قووویه مینهجک. طرفلر همچنین باتی لی متفیقلرین روسیا تهدیدینه قارشی بیلیکده حرکت ائتمک مسئله سینده راضیلیق الده ائتدیکلرینی قئید ائدیبلر.
اونلار روسیانین اوکراینایا قارشی تهدیدلریندن گئری چکیلمهسی اوچون هله ده دیپلوماتیا پنجره سینین اولدوغو بارده راضیلیق الده ائدیبلر. جو بایدن و بوریس جانسون آوروپا اؤلکلرینین روسیا گازیندان آسیلیلیغینی آزالتماسینین واجیبلیگینی ده وورغولاییبلار.
معلوماتدا بیلدیریلیب کی، بو آددیم روسیانین استراتژی ماراقلارینا ضربه ووراجاق.
ایلگیلیلی خبرلر
یول قیراغیندا ۱۰ نفرین جسدی تاپیلدی
مکزیده آکاپولکو شهریندهکی املیانو زاپاتا محلهسینده، چوخ ساییدا جسد تاپیلدیغی بیلدیریلدی