گوونلیک گوجلری ان آز ۱۱۴ اوشاغی اؤلدوردو
"۱ فوریه ۲۰۲۱دهکی چئوریلیشدن سونرا ۳-۱۷ یاش آراسی ان آز ۱۱۴ اوشاق گوونلیک گوجلری طرفیندن اؤلدورولدو"
میانمار گوونلیک گوجلرینین گئچهن فوریه آیینداکی چئوریلیشیندن سونرا ان آز ۱۱۴ اوشاغی اؤلدوردوگو بیلدیریلیر.
بیرلشمیش میللتلر تشکیلاتی سؤزچوسو فرهان حاک
"۱ فوریه ۲۰۲۱دهکی چئوریلیشدن سونرا ۳-۱۷ یاش آراسی ان آز ۱۱۴ اوشاق گوونلیک گوجلری طرفیندن اؤلدورولدو، اونلاردان ان آز ۱۸ نفری ژانویه آییندا اولدو" دئدی.
یارالی اوشاقلارین ساییسینین داها چوخ اولدوغونو بیلدیرهن حاک، اؤلکهنین گوونلیک گوجلرینه، میانمارنین ۲۰۱۹.جو ایلده ایمضالادیغی بیرلشمیش میللتلر اوشاق حاقلارینا دایر سؤزلشمه اساسیندا اوشاقلارین حاقلارینی قوروما تعهدلارینی خاطیرلاتدی.
میانمار اوردوسو ۲۰۲۰.جی ایلدهکی سئچیملرده تقلب ادعالاری و اؤلکهدهکی سیاسی گرگینلیکدن سونرا ۱ فوریه ۲۰۲۱ده یؤنتیمی اله گئچیرمیشدی.
میانمار اوردوسونون چئوریلیش قارشیدی گؤستریچیلره و عصیانچی قروپلارا قارشی سلاحلی مداخیلهسی نتیجهسینده ایندیه دک ۹۰۲ نفر حیاتینی ایتیردی.
سیاسی محبوسلارا یاردیم قورولوشونا گؤره ایسه جان ایتکیسی ۱۴۰۰ نفری گئچرکهن، ۱۰ مینه یاخین انسان گؤزآلتینا آلیندی.
اؤلکهده گؤستریلر داوام ائدرکهن، یوکسک سویهلی دؤولت مأمورلارینین حربی محکمهلرده یارغیلانماسی داوام ائدیر.