آوروپا بیرلیگی، ناتو، آتت و امریکا نومایندهلری آراسیندا تلفون دانیشیغی اولوب
آوروپا بیرلیگی، ناتو، آوروپادا تهلوکهسیزلیک و امکداشلیق تشکیلاتی (آتت) و امریکانین رسمیلری روسیانین خاریجی ایشلر ناظیری سئرگئی لاورووون گؤندردیگی مکتوبا جاوابی موذاکیره ائدیبلر.
آوروپا بیرلیگی، ناتو، آوروپادا تهلوکهسیزلیک و امکداشلیق تشکیلاتی (آتت) و امریکانین رسمیلری روسیانین خاریجی ایشلر ناظیری سئرگئی لاورووون گؤندردیگی مکتوبا جاوابی موذاکیره ائدیبلر.
آوروپا بیرلیگی-نین خاریجی علاقهلر و تهلوکهسیزلیک سیاستی اوزره عالی نومایندهسی جوزف بورلین اوفیسیندن وئریلن آچیقلامایا گؤره، دؤرد طرفلی تلفون دانیشیغی بورلل، امریکا خاریجی ایشلر ناظیری آنتونی بلینکن، ناتو-نون باش کاتیبی ینس استولتنبرگ و آتت-ین نؤوبتی صدری لهستان آدیندان خاریجی ایشلر ناظیری زبیگنیو رائو آراسیندا باش توتوب.
آچیقلامایا گؤره، تلفون صحبتی زامانی “روسیانین اوکراینا داخیلینده و اطرافینداکی حربی ییغیناغی، لاورووون 31 ژانویه تاریخلی مکتوبو دا داخیل اولماقلا، مسکوانین آوروپا تهلوکهسیزلیگینین یئنیدن تشکیلی طلبلری ایله باغلی اینکیشافلار و دیپلوماتیک فعالیتلر” موذاکیره ائدیلیب.
“وئریلهجک جاوابلار حاضیرلانارکن بورل، بلینکن، استولتنبرگ و رائو آوروپا تهلوکهسیزلیک قورغوسونون اساس پرینسیپلرینین قورونوب ساخلانماسینین ضروریلیگینی بیر داها تصدیقلهدیلر” دئییلیب.
گؤروشده بئله موذاکیرهلرده دوزگون پلاتفورما کیمی آتت-ین اهمیتینین وورغولاندیغی قئید ائدیلیب.
روسیا دسامبردا امریکا و ناتو-یا گؤندردیگی آوروپادا تهلوکهسیزلیک ضمانتلری حاقیندا سازیش تکلیفینده ناتو-نون دوغویا دوغرو گئنیشلنمهسیندن ال چکمیی و قوهلرینی دوغو آوروپادان چیخارماغی طلب ائدیب.
ناتو و امریکانین اؤتن هفته وئردیگی جاوابدا ایسه ناتو-نون آچیق قاپی سیاستینین داوام ائدجگی، سلاحلارا نظارت و ترک سیلاح کیمی مؤوضوع لاردا دانیشیقلارا حاضیر اولدوغو بیلدیریلیب.
فوریهنین 1-ده امریکا مطبوعاتیندا یئر آلان خبرلرده امریکا رهبرلیگینین روسیادان ژانویهنین 31-ده مکتوب آلدیغی، امریکا خاریجی ایشلر ناظیرلیگی رسمیلرینین مکتوبون مضمونو ایله باغلی شرح وئرمهدیگی بیلدیریلیب.
ایلگیلیلی خبرلر
یول قیراغیندا ۱۰ نفرین جسدی تاپیلدی
مکزیده آکاپولکو شهریندهکی املیانو زاپاتا محلهسینده، چوخ ساییدا جسد تاپیلدیغی بیلدیریلدی