قطر امیری بایدن ایله گؤروشه‌جک

آمریکا پرزیدنتی جو بایدن ۳۱ ژانویه‌ده آغ ائوده قوناق ائدجگی قطر امیری شیخ تمیم بن حمد آل ثانی ایله بیر چوخ ایکیلی و بؤلگه‌سل مسئله‌نی مذاکیره ائد‌جک.

آغ ائوین سؤزچوسو جن ساکی وئردیگی یازیلی آچیقلامادا بایدنین ۳۱ ژانویه‌ده شیخ ثانینی آغ ائوده قارشیلاماغی صبیرسیزلیکله گؤزله‌دیگینی بیلدیردی.

بایدن و آل ثانینین آرالاریندا بیر چوخ ایکیلی و بؤلگه‌سل قونونو مذاکیره ائد‌جکلرینی بیلدیره‌ن ساکی، بونلار آراسین‌دا کؤرفز و اورتادوغو گوونلیگی و رفاهینین آرتیریلماسی، کۆره‌سل انرژی قایناقلارینین استقرارینین تامین ائدیلمه‌سی، افغانیستان خالقینا دستک و آمریکا ایله قطر آراسین‌دا یاتیریم امکداشلیغی و تیجارتین آرتیریلماسی اولدوغونو بیلدیردی.

ساکی آچیقلاماسیندا،

«بایدن آمریکا وطنداشلارینین، اقامت صاحبلرینین و افغانیستانلی اورتاقلاریمیزین افغانیستان‌دان تهلوکه‌سیز ترانزیتینی تامین ائتمک اوچون گؤستردیگی چابالارا گؤره آل ثانییه تشکر ائد‌جک» بیلگیسینی پایلاشدی.